பெண் மருத்துவரிடம் தங்கச்சங்கிலி பறிப்பு

கடலூரில் நடந்து சென்ற பெண் மருத்துவரிடம் மோட்டார்சைக்கிளில் வந்த மர்மநபர் தங்கச்சங்கிலியை பறித்துச் சென்றார்.

கடலூர் செம்மண்டலம் சேகர் தெருவைச் சேர்ந்தவர் மருத்துவர் சுதாகர் மனைவி மருத்துவர் லட்சுமி (39). இவர், அதே பகுதியிலுள்ள தனியார் மருத்துவமனையில் பகுதிநேர மருத்துவராகப் பணியாற்றி வருகிறார்.

வழக்கம்போல், வியாழக்கிழமை பணியை முடித்துவிட்டு வீட்டுக்கு நடந்து சென்றுகொண்டிருந்தார். அப்போது மோட்டார் சைக்கிளிலில் பின்தொடர்ந்து வந்த மர்மநபர் லட்சுமியின் கழுத்தில் கிடந்த 5 சவரன் தங்கச்சங்கிலியை பறித்துக்கொண்டு தப்பியோடிவிட்டார். இதுகுறித்து லட்சுமி அளித்த புகாரின் பேரில் கடலூர் புதுநகர் போலீஸார் வழக்குப்பதிந்து விசாரித்து வருகின்றனர்.