நீர்தேக்கப் பகுதியில் அமைச்சர் ஆய்வு

நெய்வேலி பகுதியில் உள்ள வேலங்குளம் மாநில எண்ணெய் வித்து பண்ணை, மத்திய ஆராய்ச்சிக் கழகம் உள்ளிட்ட இடங்களில் பருவ மழைக் காலங்களில் மழை நீரை சேமிப்பதற்காக அமைக்கப்படவுள்ள நீர்தேக்க இடங்களை அமைச்சர் எம்.சி.சம்பத் ஞாயிற்றுக்கிழமை நேரில் பார்வையிட்டு ஆய்வு செய்தார்.
 பின்னர், காடாம்புலியூர் ராஜகணபதி நகரில் சிட்கோ தொழில்பேட்டை அமைப்பதற்கான இடத்தை பார்வையிட்டு ஆய்வு செய்தார். தொடர்ந்து, அங்குள்ள நல்லான்குளம், கூனங்குளம் ஆகியவற்றை பார்வையிட்டார். இந்தக் குளங்களை ஆழப்படுத்தி நீர்வரத்து வாய்க்கால்களை சீரமைக்க வேண்டும் என்றும், குளத்தில் சுற்றுச்சுவர் அமைத்து, நடைபாதை, பூங்கா அமைக்க நடவடிக்கை எடுக்க வேண்டும் எனவும் மாவட்ட ஆட்சியர் வே.ப.தண்டபாணியிடம் அமைச்சர் கூறினார்.
 அப்போது, மாவட்ட வருவாய் அலுவலர் கோ.விஜயா, வட்டாசியர்கள் விஜயா (குறிஞ்சிப்பாடி), ஆறுமுகம் (பண்ருட்டி) மற்றும் வருவாய் ஆய்வாளர்கள் உடனிருந்தனர்.