கோயிலில் விளக்கேற்றி இந்து மக்கள் கட்சியினர் போராட்டம்

கடலூர் திருப்பாதிரிபுலியூர் பாடலேஸ்வரர் கோயிலில் இந்து மக்கள் கட்சியினர் விளக்கேற்றி ஞாயிற்றுக்கிழமை போராட்டம் நடத்தினர்.
தமிழகத்தில் இந்துக் கோயில்களில் பக்தர்கள் விளக்கேற்றுவதற்கு இந்து சமய அறநிலையத் துறை கட்டுப்பாடு விதித்துள்ளது. இதைக் கண்டித்து இந்து மக்கள் கட்சியினர் கடலூர் திருப்பாதிரிபுலியூர் பாடலேஸ்வரர் கோயிலில் ஞாயிற்றுக்கிழமை மாலையில் அகல் விளக்கு ஏற்றி வழிபாடு நடத்தி போராட்டத்தில் ஈடுபட்டனர். இந்தப் போராட்டத்துக்கு கட்சியின் நகரத் தலைவர் அன்பு தலைமை வகித்தார். மாவட்டச் செயலர் சத்தியமூர்த்தி முன்னிலை வகித்தார். மாவட்டத் தலைவர் ஆர்.எஸ்.தேவா வரவேற்றார். மாநில பொதுச் செயலர் செந்தில், மாநிலச் செயலர் மணிகண்டன், புதுவை மாநிலத் தலைவர் மஞ்சினி ஆகியோர் சிறப்பு அழைப்பாளர்களாக 
பங்கேற்று பேசினர்.