ம.ஜ.க. செயல் வீரர்கள் கூட்டம்

விருத்தாசலம் அருகே உள்ள மங்கலம்பேட்டையில் மனித நேய ஜனநாயகக் கட்சியின் செயல்வீரர்கள் கூட்டம் அண்மையில் நடைபெற்றது.
 கூட்டத்துக்கு நகரச் செயலர் பாசில் தலைமை வகித்தார். மாணவர் இந்தியா நகர துணைச் செயலர்கள் முஹம்மது அசாருதீன், அமருதீன், பொருளாளர் முஹம்மது பாரிஸ் ஆகியோர் முன்னிலை வகித்தனர். மஜக நகர துணைச் செயலர் பீர்முஹம்மது வரவேற்றார். இதில், மாவட்ட இளைஞரணி துணைச் செயலர் எம்.ஏ. ஹஜ்ஜி முஹம்மது சிறப்பு அழைப்பாளராக கலந்துகொண்டு பேசினார்.
 கூட்டத்தில், பெட்ரோல், டீசல் விலையைக் குறைத்திட மத்திய அரசு விரைவாக நடவடிக்கை எடுக்க வேண்டும் என்பன உள்ளிட்ட தீர்மானங்கள் நிறைவேற்றப்பட்டன.
 ஒன்றிய இளைஞரணி பொருளாளர் முஸ்தாக் நன்றி கூறினார்.