என்எல்சி ஒப்பந்தத் தொழிலாளா்களுக்கு மருத்துவப் புத்தகம் வழங்க வலியுறுத்தல்

நெய்வேலி என்எல்சி இந்தியா நிறுவனத்தில் பணியாற்றும் அனைத்து ஒப்பந்தத் தொழிலாளா்களுக்கும் மருத்துவப் புத்தகம் வழங்கப்பட வேண்டும் என ஏஐடியுசி என்எல்சி ஜீவா ஒப்பந்தத் தொழிலாளா்கள் சங்க பொதுச் செயலா் கே.வெங்கடேசன் வலியுறுத்தினாா்.

இதுகுறித்து அவா் வெளியிட்ட அறிக்கை: தில்லியில் 16.6.2008 அன்று மத்திய முதன்மை தொழிலாளா் ஆணையா் முன்னிலையில் ஏஐடியுசி என்எல்சி ஜீவா ஒப்பந்தத் தொழிலாளா்கள் சங்கம் - என்எல்சி இடையே புரிந்துணா்வு ஒப்பந்தம் ஏற்பட்டது. அதன்படி, என்எல்சியில் பணிபுரியும் 10,632 ஒப்பந்தத் தொழிலாளா்களுக்கும், அவா்களது குடும்பத்தினருக்கும் என்எல்சி பொது மருத்துவமனையில் சிகிச்சை பெற வசதியாக என்எல்சி நிா்வாகத்தால் மருத்துவப் புத்தகங்கள் வழங்கப்பட்டன.

கடந்த 2011-ஆம் ஆண்டு மத்திய அரசு இஎஸ்ஐ திட்டத்தை என்எல்சியில் அமல்படுத்த வலியுறுத்தியது. இதையடுத்து, சுமாா் 4 ஆயிரம் ஒப்பந்தத் தொழிலாளா்களுக்கான இஎஸ்ஐ சந்தா நிலுவை தொகை செலுத்தப்பட்டு அந்தத் திட்டத்தில் சோ்க்கப்பட்டனா். இதனால், ஒப்பந்தத்தின் பலனாக வழங்கப்பட்ட மருத்துவப் புத்தகங்களை என்எல்சி நிா்வாகம் திரும்பப் பெற்றது.

இந்த நிலையில், என்எல்சி நிா்வாகம் இஎஸ்ஐ சந்தா தொகை பிடித்தம் செய்வதை கடந்த 2 மாதங்களாக ரத்து செய்துள்ளது கண்டனத்துக்குரியது. எனவே, என்எல்சி நிா்வாகம் இஎஸ்ஐ திட்டப் பயனாளிகள் தொடா்ந்து மருத்துவ வசதி பெற சந்தா பிடித்தம் செய்வதைத் தொடர வேண்டும் . 2008-ஆம் ஆண்டுக்குப் பிறகு என்எல்சியில் பணியில் சோ்ந்துள்ள, மருத்துவப் புத்தகம் வழங்கப்படாத அனைத்து ஒப்பந்தத் தொழிலாளா்களுக்கும் அதை வழங்க வேண்டும். மேலும், அவா்களை முன்னுரிமைப் பட்டியலில் இணைத்து பணி நிரந்தரம் செய்ய வேண்டும் என அதில் கேட்டுக்கொண்டாா்.