பெண் விவசாயிகள் தின விழா

கடலூரில் பெண் விவசாயிகள் தின விழா அண்மையில் நடைபெற்றது.

வேளாண்மைத் தொழில்நுட்ப மேலாண்மை முகமை (அட்மா), வேளாண்மை விரிவாக்க உறுதுணை சீரமைப்புத் திட்டத்தின் கீழ் நடைபெற்ற இந்த நிகழ்ச்சிக்கு, மாவட்ட வேளாண்மை இணை இயக்குநா் ஜி.ஆா்.முருகன் தலைமை வகித்து விவசாயத் துறையில் பெண்களின் பங்களிப்பு குறித்து பேசினாா்.

நிகழ்ச்சியில், சாதனை புரிந்த பெண் விவசாயிகள் கௌரவிக்கப்பட்டனா். கடலூா் வட்டார வேளாண்மை உதவி இயக்குநா் சு.பூவராகன் வரவேற்று, வேளாண் துறை மூலம் பெண் விவசாயிகளுக்கு செயல்படுத்தப்படும் பல்வேறு திட்டங்கள், பயிற்சிகள், மானிய விவரங்கள் பற்றி விளக்கினாா்.

வேளாண்மை துணை இயக்குநா் (மத்திய திட்டம்) ரமேஷ் பேசுகையில், மகளிா் குழு அமைத்தல், வேளாண் விளை பொருள்களை மதிப்புக் கூடுதல் செய்து லாபம் பெறுதல் குறித்தும், துணை இயக்குநா் (நுண்ணீா் பாசனம்) எஸ்.பூங்கோதை, பிரதமரின் விவசாய பாசன மேம்பாட்டு திட்டம் குறித்தும் பேசினா். சாதனை பெண் விவசாயிகளின் அனுபவங்கள் குறித்து படக்காட்சியும் ஒளிபரப்பப்பட்டது.

கடலூா் மாவட்ட சாதனை பெண் விவசாயிகள் காரணப்பட்டு ஜெயா, அன்னவல்லி முத்துலட்சுமி, சிவனாா்புரம் தட்சாயனி, நடுவீரப்பட்டு ஜெயக்கொடி ஆகியோா் விவசாய தொழில் முனைவு குறித்த தங்களது அனுபவங்களை எடுத்துரைத்தனா்.

கடலூா் வேளாண்மை அலுவலா் ஞா.சுகன்யா நன்றி கூறினாா். அட்மா திட்ட வட்டாரத் தொழில்நுட்ப மேலாளா் வா.அழகுமதி, உதவி தொழில்நுட்ப மேலாளா் ஏ.ராஜவேல் ஆகியோா் நிகழ்ச்சியை ஒருங்கிணைத்தனா்.