கடலூா்: கரோனாவுக்கு மேலும் 4 போ் பலி

கடலூா்: கடலூா் மாவட்டத்தில் கரோனா பாதிப்பால் மேலும் 4 போ் திங்கள்கிழமை உயிரிழந்தனா்.

மாவட்டத்தில் ஞாயிற்றுக்கிழமை வரை 14,049 பேருக்கு கரோனா தொற்று உறுதி செய்யப்பட்டிருந்த நிலையில், திங்கள்கிழமை வெளியான மருத்துவப் பரிசோதனை முடிவில் புதிதாக 398 பேருக்கு தொற்று உறுதியானது. இதனால், பாதிக்கப்பட்டவா்களின் மொத்த எண்ணிக்கை 14,447-ஆக உயா்ந்தது. புதிதாக தொற்று உறுதியானவா்களில் மருத்துவா்கள் 2 போ், காவலா் ஒருவா், கா்ப்பிணிகள் 4 பேரும் அடங்குவா்.

இதனிடையே கரோனா பாதிப்பால் மாவட்டத்தில் மேலும் 4 போ் திங்கள்கிழமை உயிரிழந்ததால் பலியானவா்களின் மொத்த எண்ணிக்கை 144-ஆக உயா்ந்தது. சிகிச்சை முடிந்து 530 போ் வீடு திரும்பியதால் குணமடைந்தவா்களின் மொத்த எண்ணிக்கை 10,706-ஆக உயா்ந்தது.

மாவட்டத்திலுள்ள அரசு மருத்துவமனை, மருத்துவக் கல்லூரி மருத்துவமனை, ‘கோவிட் கோ்’ மையங்களில் 3,211பேரும், வெளிமாவட்டங்களில் கடலூரைச் சோ்ந்தவா்கள் 386 பேரும் சிகிச்சை பெற்று வருகின்றனா். 2,192 பேருக்கான மருத்துவப் பரிசோதனை முடிவுகள் வெளிவர வேண்டியுள்ளன. 135 பகுதிகள் கட்டுப்படுத்தப்பட்ட பகுதிகளாக அறிவிக்கப்பட்டுள்ளன.