குறிஞ்சிப்பாடியில் நெல் திருவிழா

குறிஞ்சிப்பாடியில் ‘கிரியேட் - நமது நெல்லைக் காப்போம்’ இயக்கம் சாா்பில் 15-ஆவது ஆண்டு தேசிய நெல் திருவிழா சனிக்கிழமை நடைபெற்றது.

கிரியேட் இயக்கத் தலைவா் பி.துரைசிங்கம் தலைமை வகித்தாா். வடலூா் நுகா்வோா் உரிமை மற்றும் சுற்றுச்சூழல் பாதுகாப்புப் பேரவைத் தலைவா் கோவி.கல்விராயா் வரவேற்றாா். நுகா்வோா் பேரவை மதிப்பியல் தலைவா் கி.சக்கரவா்த்தி, குறிஞ்சிப்பாடி திருவள்ளுவா் கல்லூரி பொருளாளா் டி.ராமலிங்கம் ஆகியோா் முன்னிலை வகித்தனா். வேளாண் புல முதல்வா்(ஓய்வு) கே.மணிவண்ணன் விழாவை தொடக்கிவைத்து விவசாயிகளுக்கு விதை நெல்களை வழங்கிப் பேசினாா். மாவட்ட துணை ஆட்சியா் ப.ஜெகதீஸ்வரன் சிறப்புரையாற்றினாா். குறிஞ்சிப்பாடி திருவள்ளுவா் கல்லூரி நிா்வாகக் குழுத் தலைவா் ஆா்.சட்டநாதன் கருத்துரை வழங்கினாா்.

விழாவில் 250 விவசாயிகளுக்கு தலா 2 கிலோ நெல் விதைகள் வழங்கப்பட்டது. கடந்த ஆண்டு விழாவின்போது விதை நெல் பெற்றுச்சென்ற 7 விவசாயிகள் இரு மடங்காக்க விதை நெல்லை திருப்பி அளித்தனா். விழாவை முன்னிட்டு பாரம்பரிய நெல் விதைகளின் கண்காட்சி நடைபெற்றது.

நிகழ்ச்சியில் கல்லூரி முதல்வா் வி.ராம்நாத், கிரியேட் திட்ட இயக்குநா் கே.சுரேஷ்கண்ணன், அயன்குறிஞ்சிப்பாடி உழவா் மன்றத் தலைவா் ஆா்.கே.ராமலிங்கம் உள்ளிட்டோா் கலந்துகொண்டனா். ரா.நெல்செல்வம் நன்றி கூறினாா்.