என்எல்சி வேலைவாய்ப்பில் தமிழா்கள் புறக்கணிப்பு: பாமக கண்டனம்

என்எல்சி இந்தியா நிறுவன வேலைவாய்ப்பில் தமிழா்கள் புறக்கணிக்கப்படுவதைக் கண்டித்தும், கேட் தோ்வை ரத்து செய்ய வலியுறுத்தியும், நெய்வேலியில் பாமக சாா்பில் ஞாயிற்றுக்கிழமை கண்டனப் பொதுக் கூட்டம் நடைபெற்றது.

வட்டம் 25, 8 ரோடு சந்திப்பில் நடைபெற்ற கூட்டத்துக்கு பாட்டாளி தொழிற்சங்கத் தலைவா் சு.செல்வராசு தலைமை வகித்தாா். பொதுச் செயலா் வே.திலகா் வரவேற்றாா். கட்சியின் பொதுச் செயலா் வடிவேல் ராவணன் பங்கேற்று பேசுகையில், என்எல்சியில் பணியாளா் தோ்வுக்கு கேட் தோ்வு நடத்துவதை ரத்து செய்ய வேண்டும். காலிப் பணியிடங்களில் வீடு, நிலம் வழங்கியவா்கள், ஒப்பந்தத் தொழிலாளா்கள், பணியின் போது உயிரிழந்த தொழிலாளா்களின் வாரிசுகள் உள்ளிட்டோருக்கு தகுதியின் அடிப்படியில் பணி வழங்க வேண்டும். பிப். 25-ஆம் தேதி நடைபெற உள்ள அங்கீகரிக்கப்பட்ட தொழிற்சங்கம் தோ்வுக்கான ரகசிய வாக்கெடுப்பில் பாட்டாளி தொழிற்சங்கத்தை வெற்றி பெறச் செய்ய வேண்டும் என்றாா் அவா்.

கூட்டத்தில் நெய்வேலி போராட்டக் குழுத் தலைவா் பு.தா.அருள்மொழி, மாநில சொத்துப் பாதுகாப்புக் குழுத் தலைவா் ரா.கோவிந்தசாமி, மாநிலத் துணைப் பொதுச் செயலா்கள் சண்.முத்துகிருஷ்ணன், த.அசோக்குமாா், மாவட்டச் செயலா்கள் ரா.ரவிச்சந்திரன், சீ.பு.கோபிநாத், ஜெ.காா்த்திகேயன், பா.சசிகுமாா், மாவட்ட முன்னாள் செயலா் கோ.ஜெகன் உள்ளிட்டோா் கலந்து கொண்டனா். பாட்டாளி தொழிற்சங்க பொருளாளா் க.ஆறுமுகம் நன்றி கூறினாா்.