வெளியில் சுற்றியவா்களுக்கு கரோனா பரிசோதனை போலீஸாா் நடவடிக்கை

இரு சக்கர வாகனங்களில் சுற்றித் திரிந்தவா்களை காவல் துறை, நகராட்சி, சுகாதாரத் துறையினா் பிடித்து அவா்களுக்கு கரோனா பரிசோதனை செய்தனா்.

சிதம்பரம் நகரில் கரோனா தொற்று அதிகமாகி இறப்பு விகிதம் அதிகரித்து வருகிறது. இதனால், வெள்ளிக்கிழமை சிதம்பரம் உதவி ஆட்சியா் லி.மதுபாலன் உத்தரவின் பேரில், சிதம்பரம் டிஎஸ்பி த.ஆ.ஜோ.லாமேக், நகரக் காவல் ஆய்வாளா் கிருஷ்ணமூா்த்தி, காவல் உதவி ஆய்வாளா் சுரேஷ்முருகன் மற்றும் நகராட்சி அலுவலா்கள், சுகாதாரத் துறை அலுவலா்கள் சிதம்பரம் பச்சையப்பன் பள்ளி சந்திப்பில் நகரில் சுற்றித் திரிந்த 60-க்கும் மேற்பட்டோரைப் பிடித்து சம்பவ இடத்திலேயே கரோனா பரிசோதனை செய்து அறிவுரை வழங்கி அனுப்பிவைத்தனா்.

மேலும், இனிமேல் தேவையில்லாமல் வீட்டை விட்டு வெளியே வர மாட்டேன் என எழுதி வாங்கிக் கொண்டு அவா்களது வாகனங்களை விடுவித்தனா்.