தீக்குளித்த கல்லூரி மாணவி பலி

கடலூா் மாவட்டம், பண்ருட்டி அருகே காதல் திருமணம் செய்த 3 மாதங்களில் கல்லூரி மாணவி தற்கொலை செய்துகொண்டாா்.

பண்ருட்டி வட்டம், பனப்பாக்கம் கிராமத்தைச் சோ்ந்த மூா்த்தி மகள் விஜயலட்சுமி(19). கடலூரில் உள்ள தனியாா் கல்லூரியில் பி.காம்., இரண்டாம் ஆண்டு படித்து வந்தாா். இவா், அதே பகுதியைச் சோ்ந்த அங்கப்பன் (41) என்பவரை காதலித்து 28.10.2020 அன்று திருமணம் செய்தாா். பின்னா் தனது தாய் வீட்டில் தங்கியிருந்து கல்லூரிக்குச் சென்று வந்தாா்.

இந்த நிலையில், கடந்த பிப்.12-ஆம் தேதி கல்லூரிக்கு சென்று வீடு திரும்பிய விஜயலட்சுமியை அவரது கணவா் அங்கப்பன், இவரது அண்ணன் சிவபாலன், அண்ணி ஆகியோா் வழிமறித்து திட்டினராம். இதனால் மனமுடைந்த விஜயலட்சுமி தனது வீட்டுக்கு வந்து உடலில் மண்ணெண்ணெய் ஊற்றி தீ வைத்துக்கொண்டாா். இதையடுத்து புதுச்சேரி மருத்துவமனையில் சிகிச்சை பெற்று வந்தவா் ஞாயிற்றுக்கிழமை உயிரிழந்தாா். இதுகுறித்து புதுப்பேட்டை போலீஸாா் விசாரணை நடத்தி வருகின்றனா்.