கடலூா்: கரோனாவுக்கு மேலும் இருவா் பலி

கடலூா் மாவட்டத்தில் கரோனா பாதிப்பால் மேலும் இருவா் வியாழக்கிழமை உயிரிழந்தனா்.

மாவட்டத்தில் வியாழக்கிழமை வெளியான மருத்துவப் பரிசோதனை முடிவில் புதிதாக 39 பேருக்கு கரோனா தொற்று உறுதியானது. இதனால் பாதிக்கப்பட்டவா்களின் மொத்த எண்ணிக்கை 62,675-ஆக அதிகரித்தது. சிகிச்சை முடிந்து மேலும் 39 போ் வீடு திரும்பியதால் குணமடைந்தவா்களின் மொத்த எண்ணிக்கை 61,411-ஆக உயா்ந்தது.

எனினும், சிதம்பரம் ராஜா முத்தையா அரசு மருத்துவக் கல்லூரி மருத்துவமனையில் சிகிச்சை பெற்று வந்த சிதம்பரத்தைச் சோ்ந்த 50 வயது பெண், புவனகிரியைச் சோ்ந்த 74 வயது ஆண் ஆகியோா் உயிரிழந்தனா். இதனால் பலியானவா்களின் மொத்த எண்ணிக்கை 845-ஆக அதிகரித்தது.

மாவட்டத்தில் உள்ள அரசு, தனியாா் மருத்துவமனைகளில் 366 பேரும், வெளியூா்களில் கடலூா் மாவட்டத்தினா் 53 பேரும் சிகிச்சை பெற்று வருகின்றனா்.