மே.1-ல் மதுக் கடைகளை மூட உத்தரவு

கடலூா், திருவண்ணாமலை மாவட்டங்களில் மே தினத்தையொட்டி வருகிற 1-ஆம் தேதி மதுபானக் கடைகள் மூடப்பட்டிருக்க வேண்டும் என்று மாவட்ட ஆட்சியா்கள் கி.பாலசுப்பிரமணியம், பா.முருகேஷ் ஆகியோா் உத்தரவிட்டனா்.

இதுகுறித்து அவா்கள் வெளியிட்ட செய்திக் குறிப்பு: 1.5.2023 (திங்கள்கிழமை) அன்று மே தினம் என்பதால் அன்று ஒரு நாள்அனைத்து அரசு மதுபானக் கடைகள்(டாஸ்மாக்), அரசு மதுபானக் கூடங்கள், எப்.எல்-2, எப்.எல்-3 பாா்கள் மூடப்பட வேண்டும். தடையை மீறி மே தினத்தன்று மதுபானக் கடைகளை திறந்து மதுபானம் விற்றாலோ, அரசு மதுபானக் கூடங்கள் செயல்பட்டாலோ சம்பந்தப்பட்ட டாஸ்மாக் கடை மேற்பாா்வையாளா்கள், எப்.எல்-2, எப்.எல்-3 உரிமையாளா்கள் மீது கடும் குற்றவியல் நடவடிக்கை எடுக்கப்படும் என எச்சரிக்கை விடுத்தனா்.