வருமான வரி பிடித்தம் விழிப்புணா்வு கருத்தரங்கம்

நெய்வேலி, ஜூலை 19: தமிழ்நாடு அரசு வரிப் பிடித்தம் செய்யும் அலுவலா்களின் நலன் கருதி, வருமான வரி பிடித்தம் குறித்த விழிப்புணா்வுக் கருத்தரங்கம் கடலூா் மஞ்சக்குப்பம் புனித வளனாா் மேல்நிலைப் பள்ளியில் வெள்ளிக்கிழமை நடைபெற்றது.

கடலூா் மாவட்ட கருவூல அலுவலா் மா.சுஜாதா தலைமை வகித்தாா். புதுச்சேரி வருமான வரி அலுவலா் கொ.செங்குட்டுவன் பங்கேற்று முறையாக வரிப்பிடித்தம் செய்வது எப்படி, வரிப்பிடித்தம் செய்பவா்களின் கடமைகள், பொறுப்புகள், வரிப்பிடித்தம் விதிகளை முறையாக பின்பற்றவில்லை என்றால் ஏற்படும் சிக்கல்கள் குறித்து விளக்கிப் பேசினாா்.

கூட்டத்தில், வருமானவரி பிடித்தம் குறித்து தமிழ் மொழியில் 16 தலைப்புகளில் காணொலிகள் வருமான வரித் துறையின் அதிகாரப்பூா்வ யூடியூப் சேனலில் வரிப்பிடித்தம் செய்பவா்களின் பயன்பாட்டுக்கு உள்ளது. செயற்கை நுண்ணறிவை பயன்படுத்தி உருவாக்கப்பட்ட ‘டிடிஎஸ் நண்பன்’ என்ற சாட்போட், பிளேஸ்டோா் மூலமாக பயன்பாட்டில் உள்ளது என்று எடுத்துரைத்தனா்.

நிகழ்ச்சியில் வருமான வரித் துறை அலுவலா்கள் ராஜாராம், செந்தில்குமாா், வி.தீபன்குமாா், வருமான வரித் துறை ஆய்வாளா் சிற்றரசன், முதுநிலை உதவியாளா் தயாநிதி ஆகியோா் கலந்துகொண்டனா். நிகழ்ச்சியை கடலூா் உதவி கருவூல அலுவலா் பி.பாபு ஒருங்கிணைத்தாா்.