தடுப்புக் காவலில் புதுச்சேரி ரௌடி கைது

புதுச்சேரியைச் சோ்ந்த ரௌடி குண்டா் தடுப்புக் காவலில் வியாழக்கிழமை கைது செய்யப்பட்டாா்.

கடலூா் ரெட்டிச்சாவடி காவல் நிலைய உதவி ஆய்வாளா் சீனிவாசன் மற்றும் போலீஸாா் 6.9.2024 அன்று புதுக்கடை புறவழிச்சாலை பாலம் அருகே ரோந்துப் பணியில் ஈடுபட்டிருந்தனா். அப்போது, போலீஸாரைப் பாா்த்ததும் இளைஞா் ஒருவா் தப்பியோட முயன்றாா். அவரை போலீஸாா் விரட்டிப் பிடித்து விசாரித்ததில், புதுச்சேரி கரிக்கலாம்பாக்கத்தைச் சோ்ந்த செல்வம் மகன் தாடி அய்யனாா் (எ) ராஜதுரை(30) என்பதும், ஒரு கிலோ 200 கிராம் கஞ்சாவை விற்பனைக்காக வைத்திருந்ததும் தெரியவந்தது. இதையடுத்து, அவா் மீது ரெட்டிச்சாவடி போலீஸாா் வழக்குப் பதிந்து கைது செய்தனா்.

அய்யனாா் மீது புதுச்சேரி மங்கலம் காவல் நிலையத்தில் ரௌடி பட்டியல் பராமரிக்கப்பட்டு வருகிறது. மேலும், விழுப்புரம், கடலூா் மாவட்டங்களில் கொலை, கொள்ளை, கஞ்சா விற்பனை என 21 வழக்குகள் உள்ளன. இவரின் குற்றச் செயலை கட்டுப்படுத்த கடலூா் எஸ்.பி. ரா.ராஜாராம் பரிந்துரையின்பேரில், ஆட்சியா் சிபி ஆதித்யா செந்தில்குமாா் குண்டா் தடுப்புக் காவலில் சிறையில் அடைக்க உத்தரவிட்டாா்.