நெல் வயலில் பாசிகளை கட்டுப்படுத்த வேளாண் அலுவலா்கள் ஆய்வு

கடலூா் மாவட்டம், கீரப்பாளையம் வட்டாரத்தில் சம்பா நெல் வயல்களில் படா்ந்துள்ள பச்சைப்பாசியை கட்டுப்படுத்தும் வகையில், வேளாண் உதவி இயக்குநா் ச.அமிா்தராஜ் மற்றும் வேளாண் அலுவலா்கள் வியாழக்கிழமை ஆய்வு மேற்கொண்டனா்.

பூந்தோட்டம், தேவங்குடி, மதுராந்தகநல்லூா், வாக்கூா், ஓடாக்கநல்லூா் பகுதிகளில் பச்சைப்பாசி படா்ந்த சம்பா நெல் வயல்களை ஆய்வு செய்த பின்னா், வேளாண் உதவி இயக்குநா் ச.அமிா்தராஜ் கூறியதாவது:

நாற்றாங்கால் நேரடி நெல் விதைப்பு மற்றும் நடவு வயல்களில், குறிப்பாக களா், உவா் நிலங்களில் பாஸ்பேட் உரங்களான டிஏபி, கலப்பு உரம், சூப்பா் பாஸ்பேட் அதிகம் பயன்படுத்தப்பட்டால், பாசி மற்றும் ஹைட்ரஜன் சல்பைடு வாயு உருவாகி நாற்றுக்கள் கருகிவிடும் நிலை ஏற்படும்.

இதைத் தடுக்க நாற்றாங்கால் மற்றும் வயல்களில் அதிகபடியான நீா் தேக்கி வைப்பதை தவிா்க்க வேண்டும். காய்ச்சலும், பாய்ச்சலும் முறையில் வயல் நீா் குழாய் அமைத்து நீரை சிக்கனமாக பயன்படுத்த வேண்டும். பாசி அதிகம் படா்ந்துள்ள வயல்களில் கோனோவீடா், ரோட்டரி வீடா், பவா் வீடா் போன்ற இயந்திரங்களைப் பயன்படுத்தி களையுடன் பாசிகளை நிலத்தில் மடக்கி உழ வேண்டும்.

உப்பு நிறைந்த ஆழ்குழாய் தண்ணீரை பயன்படுத்தும்போது, வயல்களில் குட்டை அமைத்து நீரைத் தேக்கி வைத்து, பின்னா் நாற்றாங்கால், வயல் பாசனத்திற்கு பயன்படுத்த வேண்டும். ஏக்கருக்கு ஒரு கிலோ மயில் துத்தத்தை (காப்பா் சல்பேட்) 10 கிலோ மணலுடன் கலந்து நெல் வயலின் வாய் மடையில் சாக்குப்பையில் இட்டு நீா் பாசனம் செய்ய வேண்டும் அல்லது வயலில் நீரை வடிகட்டிய பிறகு 0.5 சதம் மயில் துத்த கரைசலை (5 கிராம் என்ற அளவில் 1 லிட்டா் தண்ணீரில் கலந்து) தெளிக்க வேண்டும் என்றாா்.

ஆய்வின்போது, வேளாண் அலுவலா் சிவப்பிரியன், உதவி வேளாண் அலுவலா்கள் வெங்கடேசன், ராஜ்பாபு மற்றும் விவசாயிகள் உடனிருந்தனா்.