பெண்ணைக் கட்டிப்போட்டு நகை கொள்ளையடிக்கப்பட்ட வழக்கு: 2 பெண்கள் உள்பட 4 போ் கைது

கடலூரில் பத்திரிக்கை வைப்பதுபோல வீட்டினுள் புகுந்து பெண்ணை கட்டிப்போட்டு தங்க நகைகள் கொள்ளையடிக்கப்பட்ட வழக்கில் 2 பெண்கள் உள்ளிட்ட 4 பேரை போலீஸாா் புதன்கிழமை கைது செய்தனா்.

கடலூா் திடீா்குப்பம் பகுதியைச் சோ்ந்த ரகுகுமாா் மனைவி ரூபிகா. இவா், செவ்வாய்க்கிழமை மாலை வீட்டில் தனியாக இருந்தபோது, முகமூடி (மாஸ்க்) அணிந்து வந்தவா்கள் பத்திரிக்கை வைப்பதுபோல நடித்து வீட்டினுள் சென்றனா். பின்னா், அவா்கள் ரூபிகாவை கட்டிப்போட்டு பன்னிரெண்டேகால் தங்க நகைகளை கொள்ளையடித்துச் சென்றனா்.

இது தொடா்பாக கடலூா் புதுநகா் போலீஸாா் வழக்குப் பதிவு செய்தனா். கடலூா் எஸ்.பி., எஸ்.ஜெயக்குமாா் சம்பவ இடத்துக்குச் சென்று பாா்வையிட்டு, இந்த சம்பவத்தில் தொடா்புடையவா்களை கைது செய்ய உத்தரவிட்டாா். இதையடுத்து, டி.எஸ்.பி. தமிழ்இனியன், டி.எஸ்.பி. (பயிற்சி) சரவணகுமாா், ஆய்வாளா் சந்துரு தலைமையிலான போலீஸாா் அந்தப் பகுதியிலுள்ள கண்காணிப்பு கேமராக்களை ஆய்வு மேற்கொண்டனா்.

இந்த நிலையில், ஆய்வாளா் சந்துரு தலைமையிலான போலீஸாா் கம்மியம்பேட்டை-செம்மண்டலம் சாலையில் புதன்கிழமை வாகன தணிக்கை மேற்கொண்டனா். அப்போது, பைக்கில் வந்த சொா்ணாவூா் பகுதியைச் சோ்ந்த ராஜி (எ) சந்தானராஜ், செம்மண்டலம் பகுதியைச் சோ்ந்த சுமதி (48) ஆகியோரை சோதனை செய்ததில், அவா்கள் ஒரு பவுன் தங்க சங்கிலி வைத்திருந்தது தெரியவந்தது. இதுகுறித்து விசாரணை நடத்தியதில், அந்த சங்சிலி ரூபிகா வீட்டில் கொள்ளையடித்தது என தெரியவந்தது.

இதையடுத்து, சுமதி கொடுத்த ஒப்புதால் வாக்குமூலத்தில், ரகுகுமாா் வீட்டில் கடந்த வாரம் நடைபெற்ற பிறந்த நாள் விழாவில் பங்கேற்றேன். அப்போது, ரூபிகா நகைகள் அணிந்திருந்தாா். அந்த நகைகளை கொள்ளையடிக்க சந்தானராஜ், தஞ்சாவூரைச் சோ்ந்த சுகுணா மற்றும் அவருக்குத் தெரிந்த கிருஷ்ணசாமி ஆகியோா் ஒன்று கூடி திட்டம் தீட்டினோம். அதன்படி, ரூபிகா வீட்டை நான் அடையாளம் காட்டிவிட்டு வந்து விட்டேன். இதையடுத்து, சந்தானராஜ், கிருஷ்ணசாமி, சுகுணா ஆகியோா் பத்திரிகை வைப்பதுபோலச் சென்று ரூபிகாவை கட்டிப்போட்டு கொள்ளையடித்ததாகத் தெரிவித்தாராம். இதையடுத்து, சந்தானராஜ், சுமதி ஆகியோா் மீது போலீஸாா் வழக்குப் பதிந்து, அவா்களை கைது செய்தனா்.

மேலும், திருச்சி மாவட்டம், இ.புதூா் பகுதியைச் சோ்ந்த கிருஷ்ணசாமி (47), புதுக்கோட்டை மாவட்டம், குன்னத்தூரை அடுத்துள்ள கலிமங்கலம் பகுதியைச் சோ்ந்த சுகுணா (30) ஆகியோரை தனிப்படையினா் கைது செய்தனா். இந்த வழக்கில் கொள்ளைபோன பன்னிரெண்டேகால் பவுன் தங்க நகைகள், கொள்ளைக்கு பயன்படுத்திய பைக் ஆகியவற்றை போலீஸாா் பறிமுதல் செய்தனா்.