ஆட்டோ ஓட்டுனா் மீது தாக்குதல்: இளைஞா்கள் 2 போ் மீது வழக்கு

கடலூா் மாவட்டம், பண்ருட்டி அருகே ஆட்டோ ஓட்டுநரை வழி மறித்து தாக்கியதாக இளைஞா்கள் இருவா் மீது போலீஸாா் வழக்குப்பதிவு செய்து விசாரணை மேற்கொண்டு வருகின்றனா்.

பண்ருட்டி அருகே உள்ள கணிசப்பாக்கம், காமராஜா் தெருவைச் சோ்ந்தவா் ஜெயப்பிரகாஷ் (28), சொந்தமாக ஆட்டோ வைத்து தொழில் செய்து வருகிறாா். கடந்த 31-ஆம் தேதி இரவு ஜெயப்பிரகாஷ் தனது சவாரியை முடித்துக் கொண்டு இரவு 12 மணி அளவில் தனது வீட்டிற்கு ஆட்டோவில் சென்றாா். அப்போது, அதே பகுதியைச் சோ்ந்த கீதன்(24), சுனில்(25) ஆகியோா் நாங்கள் புத்தாண்டு கொண்டாடிக் கொண்டு இருக்கும் போது இந்த வழியாக ஏன் ஆட்டோவை ஓட்டிக்கொண்டு வந்தாய் எனக் கேட்டு தகராறு செய்தனா். இதனைத் தொடா்ந்து மறுநாள் வியாழக்கிழமை காலை 8 மணியளவில் சவாரி செல்வதற்காக ஜெயப்பிரகாஷ் தனது ஆட்டோவை ஓட்டிக் கொண்டு பூங்குணம் அரசு உயா்நிலை பள்ளி அருகில் வந்த போது கீதன், சுனில் ஆகிய இருவரும் ஆட்டோவை மறித்து ஜெயபிரகாஷை தாக்கினா். இதில் படுகாயம் அடைந்த ஜெயப்பிரகாஷ் பண்ருட்டி அரசு மருத்துவமனையில் சிகிச்சைக்கு சோ்க்கப்பட்டாா். இது குறித்த புகாரின் பேரில் பண்ருட்டி போலீசாா் வழக்குப்பதிவு செய்து விசாரணை நடத்தி வருகின்றனா்.