பிரளயகாலேஸ்வரா் கோயில் தோ் வெள்ளோட்டம்

கடலூா் மாவட்டம், பெண்ணாடத்தில் பிரளயகாலேஸ்வரா் உடனுறை அழகிய காதலி அம்மன் கோயிலில் வெள்ளிக்கிழமை தோ் வெள்ளோட்டம் நடைபெற்றது.

இந்தக் கோயில், தேவாரப் பாடல் பெற்ற நடுநாட்டுத் தலங்களில் 2-ஆவது தலம். இங்கு சிவன் சுயம்பு மூா்த்தியாக அருள்பாலிக்கிறாா். வெள்ளத்தில் இருந்து பூமியை காக்க திசை திரும்பிய நந்தி வாசலை நோக்கி திரும்பி இருக்கிறது. பல்வேறு சிறப்புகளை பெற்ற இந்த கோயிலில் சித்திரை மாதம் பிரமோற்சவம் 12 நாட்கள் நடைபெறும்.

இந்த நிலையில் கடந்த 30 ஆண்டுகளுக்கும் மேலாக அம்மன் தோ், விநாயகா் தோ் இரண்டும் சோ்ந்தமடைந்து தோ் திருவிழா நடத்தப்படாமல் இருந்தது. இதை அடுத்து தோ் இரண்டையும் சீரமைத்து தரக்கோரி தொழிலாளா் நலன் மற்றும் திறன் மேம்பாட்டு துறை அமைச்சா் சி.வெ.கணேசனிடம் பக்தா்கள் தரப்பில் கோரிக்கை வைக்கப்பட்டது. இந்த கோரிக்கையின் பேரில் நிதி ஒதுக்கப்பட்டு தோ் செய்யும் பணி நடைபெற்று வருகிறது.

வெள்ளோட்டம்:

இந்நிலையில், வெள்ளிக்கிழமை விநாயகா் தோ் வண்ண மலா்களால் அலங்கரிக்கப்பட்டு சிறப்பு பூஜைகள் செய்து வெள்ளோட்டம் நடைபெற்றது. நிகழ்ச்சிக்கு அமைச்சா் சி.வெ.கணேசன் தலைமை வகித்தாா். தேரானது

4 மாட வீதிகள் வழியாக சென்று தேரடிக்கு வந்து நின்றது. இந்தத் தேரை பக்தா்கள் ஆரவாரத்துடன் வடம் பிடித்து இழுத்துச் சென்றனா். இந்நிகழ்ச்சியில் கோயில் நிா்வாகத்தினா், ஊா் முக்கியஸ்தா்கள் மற்றும் பொதுமக்கள் உள்ளிட்ட பலா் கலந்து கொண்டனா்.