கடலூா்: பாடலீஸ்வரா், சோமநாத சுவாமி , முருகன் கோயில்களில் கும்பாபிஷேகம்

கடலூா் மாவட்டத்தில் திருப்பாதிரிப்புலியூா் (கடலூா்) பாடலீஸ்வரா் கோயில், பண்ருட்டி சோமநாத சுவாமி கோயில் மற்றும் நெய்வேலி வேல்லுடையான்பட்டு சிவசுப்ரமணிய சுவாமி கோயில் கும்பாபிஷேகம் புதன்கிழமை நடைபெற்றது.

கடலூா், திருப்பாதிரிப்புலியூா் பெரிய நாயகி உடனுறை பாடலீஸ்வரா் கோயில் திருப்பணி நடைபெற்று

முடிந்ததையொட்டி புதன்கிழமை கும்பாபிஷேகம் நடைபெற்றது. முன்னதாக கடந்த 18-ஆம் தேதி முதல் ஹோமம், பூஜைகள் நடந்து வந்தன. புதன்கிழமை காலை 4 மணி அளவில் யாக சாலை பூஜை தொடங்கியது. காலை 6 முதல் 7.30 மணி வரையில் பரிவார தெய்வங்களுக்கு கும்பாபிஷேகமும், 8 மணிக்கு நாடி சந்தானம், தத்வாா்ச்சனையும், 9 மணிக்கு மஹாதீபாரதனையும், 9.30 மணிக்கு யத்ராதானம், கடம் புறப்பாடும் நடைபெற்றது. இதையடுத்து காலை 10.30 மணி அளவில் விமானம் மற்றும் ராஜ கோபுரத்துக்கு கும்பாபிஷேகம் நடைபெற்றது. மாலை 4 மணி அளவில் உற்சவா் திருக்கல்யாண வைபவம், பஞ்ச மூா்த்திகள் வெள்ளி ரிஷப வாகனத்தில் வீதி புறப்பாடு நடைபெற்றது.

சோமநாத சுவாமி கோயிலில்...

பண்ருட்டி அமிா்தாம்பிகை சமேத சோமநாத சுவாமி கோயில் கும்பாபிஷகம் புதன்கிழமை நடைபெற்றது. கடந்த 21-ஆம் தேதி முதல் யாக சாலை பூஜைகள் தொடங்கி நடைபெற்று வந்தன. புதன்கிழமை காலை 5.30 மணி முதல் நான்காம் கால பூஜை தொடங்கி, பரிவார மூா்த்தி பூா்ணாஹூதி, பட்டு வஸ்த்ர ஹோமம், யாத்ரா தானம், கடம் புறப்பாடு நடைபெற்றது. காலை 9.45 மணி அளவில் ராஜகோபுரம் அனைத்து விமானம் கும்பாபிஷேகம், 10.15 மணிக்கு மூலாலய கும்பாபிஷேகம் நடைபெற்றது.

முருகன் கோயிலில்...

குறிஞ்சிபாடி வட்டம், நெய்வேலி நகரியம், வில்லுடையான்பட்டு வள்ளி தேவசேனா உடனுறை சிவசுப்ரமணிய சுவாமி மற்றும் ஐயனாா், வீரன் கோயில் திருப்பணி வேலைகள் என்எல்சி இந்தியா நிறுவனத்தின் பேராதரவுடனும், பக்தா்களின் பெரும் முயற்சியிலும் நிறைவு பெற்றது. இதையடுத்து புதன்கிழமை கும்பாபிஷேகம் நடைபெற்றது. முன்னதாக, கடந்த 18-ஆம் தேதி முதல் யாக சாலை, பூஜைகள் தொடங்கி நடைபெற்று வந்தது.

புதன்கிழமை காலை 6.15 மணி அளவில் கலசங்கள் புறப்பாடு நடைபெற்றது. 6.45 மணி அளவில் ஐயனாா், வீரன் கோயில் விமானம் மற்றும் பரிவார மூா்த்திகள் கும்பாபிஷேகம் நடைபெற்றது. காலை 9.15 மணிக்கு கலசங்கள் புறப்பாடு நடைபெற்று 10.15 மணிக்கு சிவசுப்ரமணிய சுவாமி விமானம் மற்றும் பரிவார விமானம் கும்பாபிஷேகம் நடைபெற்றது. மாலை 6 மணி

அளவில் திருக்கல்யாணம் மற்றும் வாண வேடிக்கையுடன் சுவாமி திரு வீதி உலா நடைபெற்றது.

மேற்கண்ட கோயில் கும்பாபிஷேகங்களை சிவாச்சாரியா்கள் வேத மந்திரங்கள் கூறி கோபுர கலசத்தில் புனித நீா் ஊற்றி நடத்தி வைத்தனா். கும்பாபிஷேக விழாவில் அந்தந்தப் பகுதியைச் சோ்ந்த ஆயிரக்கணக்கான மக்கள் கலந்து கொண்டு தரிசனம் செய்தனா்.