பைக் மீது காட்டுப்பன்றி மோதல்: பொறியாளா் உயிரிழப்பு

கடலூா் மாவட்டம், வேப்பூா் அருகே பைக் மீது காட்டுப்பன்றி மோதியதில் தனியாா் தகவல் தொழில்நுட்ப நிறுவன பொறியாளா் உயிரிழந்தாா்.

வேப்பூரை அடுத்த ஏ.சித்தூா் கிராமத்தைச் சோ்ந்தவா் சீனிவாசன் (37). இவா் குடும்பத்துடன் சென்னை கிண்டியில் தங்கி, தனியாா் தகவல் தொழில்நுட்ப நிறுவனத்தில் பொறியாளராகப் பணியாற்றி வந்தாா்.

இந்நிலையில், சொந்த ஊருக்கு வந்திருந்த சீனிவாசன், வேப்பூரில் புதிதாக கட்டி வரும் வீட்டின் கட்டுமானப் பணிகளை பாா்வையிடுவதற்காக, தனது பைக்கில் புதன்கிழமை இரவு சென்றாா்.

வேப்பூரை அடுத்த ஏ.சித்தூா் பேருந்து நிறுத்தம் அருகே சேலம்-கடலூா் சாலையில் இரவு 9.30 மணியளவில் சென்றபோது, திடீரென காட்டுப்பன்றி சாலையைக் கடக்க முயன்றது. எதிா்பாராதவிதமாக காட்டுப்பன்றி பைக் மீது மோதியதில் சீனிவாசன் கீழே விழுந்து பலத்த காயமடைந்தாா்.

அவரை மீட்டு விருத்தாசலம் அரசு மருத்துவமனையில் முதலுதவி சிகிச்சை அளித்தனா். பின்னா் தீவிர சிகிச்சைக்காக புதுச்சேரி ஜிப்மா் மருத்துவமனையில் அவா் அனுமதிக்கப்பட்டாா்.

அங்கு சிகிச்சை பலனின்றி சீனிவாசன் வியாழக்கிழமை உயிரிழந்தாா்.

இதுகுறித்து வேப்பூா் போலீஸாா் வழக்குப் பதிந்து விசாரணை மேற்கொண்டு வருகின்றனா்.