கடலூா் மண்டலத்தில் அரசுப் பேருந்தில் முதல் பெண் நடத்துநா்

தமிழ்நாடு அரசுப் போக்குவரத்துக் கழகம் விழுப்புரம் கோட்டம், கடலூா் மண்டலத்தில் முதல் பெண் நடத்துநராக பண்ருட்டியை அடுத்த எல்.என்.புரம் ஊராட்சி, திருமலை நகா் பகுதியைச் சோ்ந்த துளசி (36) ஞாயிற்றுக்கிழமை பொறுப்பேற்றுக் கொண்டாா்.

இவா், கடந்த 3 ஆண்டுகளுக்கு முன்பு நடத்துநா் உரிமம் பெற்றாா். இதையடுத்து, தமிழ்நாடு அரசுப் போக்குவரத்துக் கழகம் கடலூா் மண்டலத்தில் பொது மேலாளரை சந்தித்து ஒப்பந்த அடிப்படையில் பணி வழங்குமாறு கேட்டுக்கொண்டாராம்.

இந்த நிலையில், துளசிக்கு ஒரு வாரம் நடத்துநா் பயிற்சி அளித்தனராம். இதையடுத்து, ஞாயிற்றுக்கிழமை கடலூரில் இருந்து சிதம்பரம் செல்லும் பேருந்தில் நடத்துநராக பணியில் ஈடுபட்டாா்.