அரசு பள்ளிகளில் மேலாண்மைக் குழு மறுகட்டமைப்பு கூட்டம்: புதிய தலைவா்கள் தோ்வு!

கடலூா் மாவட்டம், வேப்பூா் வட்டாரத்துக்குட்பட்ட ஐவதுகுடி அரசு மாதிரி மேல்நிலைப் பள்ளி மற்றும் சேப்பாக்கம் டாக்டா் அம்பேத்கா் அரசு ஆதிதிராவிடா் ஆண்கள் மேல்நிலைப் பள்ளி, அரசு ஆதிதிராவிடா் மகளிா் மேல்நிலைப் பள்ளிகளில் 2026-2028 ஆம் ஆண்டிற்கான பள்ளி மேலாண்மைக் குழு மறுகட்டமைப்புக் கூட்டங்கள் சனிக்கிழமை நடைபெற்றன.

இப்பள்ளிகளில் நடைபெற்ற மேலாண்மைக் குழு மறுகட்டமைப்புக் கூட்டங்களில் பள்ளியின் கல்வி வளா்ச்சி, மாணவா்களின் நலன், கற்றல் கற்பித்தல் செயல்பாடுகளை மேம்படுத்துதல், மாணவா்களுக்குத் தேவையான அடிப்படை வசதிகளை உறுதி செய்தல் மற்றும் பள்ளியின் ஒட்டுமொத்த வளா்ச்சியில் பெற்றோா் மற்றும் சமூகத்தின் பங்களிப்பை அதிகரித்தல் உள்ளிட்ட பல்வேறு அம்சங்கள் குறித்து ஆலோசிக்கப்பட்டன.

இதனைத் தொடா்ந்து நிா்வாகிகள் தோ்வு நடைபெற்றது. இதில், ஐவதுகுடி அரசு மாதிரி மேல்நிலைப் பள்ளியில் தலைமை ஆசிரியா் கொளஞ்சிநாதன் தலைமையில் நடைபெற்ற மேலாண்மைக் குழு மறுகட்டமைப்புக் கூட்டத்தில், பள்ளி மேலாண்மைக் குழுவின் புதிய தலைவராக மகேஸ்வரி மாரிமுத்து தோ்வு செய்யப்பட்டாா்.

சேப்பாக்கம் டாக்டா் அம்பேத்கா் அரசு ஆதிதிராவிடா் ஆண்கள் மேல்நிலைப் பள்ளியில் தலைமை ஆசிரியா் பிச்சைபிள்ளை தலைமையில் நடைபெற்ற மேலாண்மைக் குழு மறுகட்டமைப்புக் கூட்டத்தில், புதிய மேலாண்மைக் குழுத் தலைவராக பெ.அம்பிகா ஏகமனதாகத் தோ்வு செய்யப்பட்டாா்.

சேப்பாக்கம் அரசு ஆதிதிராவிடா் மகளிா் மேல்நிலைப் பள்ளியில் தலைமை ஆசிரியா் இ.சஞ்சீவன் தலைமையில் நடைபெற்ற மேலாண்மைக் குழு மறுகட்டமைப்புக் கூட்டத்தில், புதிய தலைவராக பாப்பாத்தி ஏகமனதாகத் தோ்வு செய்யப்பட்டாா்.