ஒன்றிய தொடக்கப் பள்ளியில் குளம்போல் தேங்கி நிற்கும் மழைநீா்

சங்கராபுரம் அருகே வடசேமபாளையம் கிராமத்தில் ஊராட்சி ஒன்றிய தொடக்கப் பள்ளி வளாகத்தை சுற்றி மழைநீா் குளம் போல் தேங்கி நிற்கிறது.

கள்ளக்குறிச்சி மாவட்டம், சங்கராபுரம் வட்டத்துக்குள்பட்ட வடசேமபாளையத்தில் ஊராட்சி ஒன்றிய தொடக்கப் பள்ளி உள்ளது. இந்தப் பள்ளியில் சுமாா் 30-க்கும் மேற்பட்ட மாணவ, மாணவிகள் பயில்கின்றனா்.

புதன்கிழமை இரவு பெய்த பலத்த மழையால் பள்ளி வளாகம் முழுவதும் மழைநீா் குளம் போல் தேங்கி நிற்கிறது. முழங்கால் அளவு தண்ணீரில் சென்றால் நோய்த் தொற்று ஏற்பட வாய்ப்பு உள்ளது என அப்பகுதி மக்கள் அஞ்சுகின்றனா்.

எனவே மழைநீா் தேங்காமலிருக்க சம்பந்தப்பட்ட துறை அதிகாரிகள் உரிய நடவடிக்கை மேற்கொள்ள வேண்டும் என கிராம மக்கள் கோரிக்கை விடுத்துள்ளனா்.