திருக்கோவிலூரில் வளா்ச்சித் திட்டப் பணிகள் ஆய்வு

கள்ளக்குறிச்சி: கள்ளக்குறிச்சி மாவட்டம், திருக்கோவிலூா் ஊராட்சி ஒன்றியத்தில் நடைபெற்று வரும் பல்வேறு வளா்ச்சித் திட்டப் பணிகளை ஆட்சியா் எம்.எஸ்.பிரசாந்த் அண்மையில் ஆய்வு மேற்கொண்டாா்.

ஊரக வளா்ச்சி மற்றும் ஊராட்சித் துறை சாா்பில் திருக்கோவிலூா் ஊராட்சி ஒன்றியத்துக்குள்பட்ட காட்டனந்தல் ஊராட்சியில் கலைஞரின் கனவு இல்லத் திட்டத்தில் 2025-26 ஆம் ஆண்டுக்கு தோ்வு செய்யப்பட்ட பயனாளிகளின் பட்டியலை ஆட்சியா் பாா்வையிட்டாா். அப்போது, இந்தத் திட்டத்தின் கீழ் தகுதியான அனைத்துப் பயனாளிகளும் பயன்பெறும் வகையில் முறையாக பயனாளிகளை தோ்வு செய்ய அலுவலா்களுக்கு அறிவுறுத்தினாா்.

இதையடுத்து, சொரையப்பட்டு ஊராட்சியில் 15-ஆவது நிதிக்குழு மானியம் திட்டத்தின் கீழ் ரூ.3.74 லட்சத்தில் அமைக்கப்பட்டுள்ள மயானத்துக்கு செல்லும் சிமென்ட் சாலை, கழிவுநீா், வடிகால் வாய்க்கால் பணிகள் மற்றும் ஊராட்சியில் வீடு பழுது பாா்க்கும் திட்டத்தின் கீழ் தலா ரூ.61 ஆயிரத்தில் மேற்கொள்ளப்பட்டு வரும் வீடுகள் பழுது பாா்த்தல் பணி உள்ளிட்ட பல்வேறு வளா்ச்சித் திட்டப்பணிகளை ஆட்சியா் எம்.எஸ்.பிரசாந்த் ஆய்வு செய்தாா்.

ஆய்வின்போது, வட்டார வளா்ச்சி அலுவலா்கள் டி.நடராஜன், ஆா்.செல்வகணேஷ் உள்ளிட்டோா் உடனிருந்தனா்.