புதுவையில் தனியார் பல்கலைக்கழகங்கள்: திமுக எதிர்ப்பு

புதுச்சேரியில் தனியார் பல்கலைக்கழகங்கள் அமைக்க வடக்கு மாநில திமுக அமைப்பாளர் எஸ்.பி.சிவக்குமார் எதிர்ப்பு தெரிவித்துள்ளார்.

இது குறித்து அவர் வெளியிட்ட அறிக்கை: தனியார் பல்கலைக்கழகங்களை புதுவை அரசு அனுமதிக்கப் போவதாக செய்திகள் வந்துள்ளன. ஏற்கெனவே உள்ள நிகர்நிலை பல்கலைக்கழகங்களை அரசு கட்டுப்பாட்டில் வைத்துக் கொள்ள முடியாததன் காரணமாக இன்றைக்கு மாணவர்களும், பெற்றோரும்  பாதிப்படைநதுள்ளனர்.

இப்போது அதிமுக ஆதரவுடன், புதுவை அரசு தனியார் பல்கலைக்கழகங்களை கொண்டு வர முயற்சிக்கின்றது. மக்களுக்கோ, மாணவ, மாணவியருக்கோ எந்த ஒரு பயனையும் அளிக்காத எந்த ஒரு பல்கலைக்கழகமும் புதுவைக்கு தேவையில்லை.

இது போன்ற விஷயங்களை துணைநிலை ஆளுநர் தடுத்து நிறுத்த  வேண்டும் என சிவக்குமார் அந்த அறிக்கையில் கேட்டுக் கொண்டுள்ளார்.