கருணாநிதிக்கு தமிழ்ச் சங்கம் அஞ்சலி

புதுவை தமிழ்ச் சங்கம் சார்பில் திமுக தலைவர் கருணாநிதிக்கு புதன்கிழமை அஞ்சலி செலுத்தப்பட்டது.
கருணாநிதி மறைவையொட்டி, புதுச்சேரியில் பல்வேறு இடங்களில் அவருக்கு பொதுநல அமைப்புகள்,  பொதுமக்கள்,  திமுக கட்சியினர் விளம்பரத் தட்டிகள்,  பேனர்கள் ஆங்காங்கே வைத்திருந்தனர்.  முக்கிய சாலைகளில் கருணாநிதியின் உருவத்துடன் கூடிய பேனர்களை வைத்து அஞ்சலி செலுத்தினர். 
புதுவை சட்டப்பேரவை வளாகத்தில் வைக்கப்பட்டிருந்த கருணாநிதி உருவப் படத்துக்கு, புதுவை தமிழ்ச் சங்கம் சார்பில் சங்கத் தலைவர் வி.முத்து தலைமையில் செயலர் பாலசுப்பிரமணியன்,  பொருளாளர் சீனு. மோகன்தாஸ் உள்ளிட்டோர் அஞ்சலி செலுத்தினர்.