புதுச்சேரியில் விமானப் படைக்கான ஆள்கள் தோ்வு முகாம்

விமானப் படைக்கான ஆள்கள் தோ்வு முகாம் புதுச்சேரி உப்பளம் மைதானத்தில் டிசம்பா் 10-ஆம் தேதி முதல் 19-ஆம் தேதி வரை நடைபெறுகிறது.

இதுகுறித்து புதுச்சேரி மாவட்ட ஆட்சியா் அலுவலகம் வெளியிட்ட செய்திக் குறிப்பு:

புதுவை மாநில இளைஞா்கள் பயன்பெறும் வகையில், இந்திய விமானப் படைக்கான ஆள்கள் தோ்வு முகாம் புதுச்சேரி உப்பளம் விளையாட்டுத் திடலில் டிசம்பா் 10 -ஆம் தேதி முதல் 19 -ஆம் தேதி வரை நடைபெறுகிறது.

இதில் 17 வயது முதல் 21 வயது வரையுள்ள பிளஸ் 2 தோ்ச்சி பெற்ற திருமணமாகாத இளைஞா்கள், உடல் தகுதி மற்றும் எழுத்துத் தோ்வுகள் அடங்கிய ஆள்கள் தோ்வு முகாமில் கலந்து கொள்ளலாம்.

முகாமில் கலந்து கொள்ள விருப்பமுள்ளவா்கள் இணையதள முகவரியில் வருகிற 27- ஆம் தேதி காலை 11 மணி முதல் 28-ஆம் தேதி மாலை 5 மணி வரை பதிவு செய்வது அவசியம்.

இந்தப் பதிவின் வழியே வழங்கப்படும் அனுமதிச் சீட்டு உள்ளவா்கள் மட்டுமே அறிவிக்கப்பட்ட தேதிகளில் ஆள்கள் தோ்வுக்கு அனுமதிக்கப்படுவா் என அதில் தெரிவிக்கப்பட்டுள்ளது.