இரு வேறு விபத்துகளில் எலக்ட்ரீஷியன், தொழிலாளி சாவு

புதுச்சேரியில் திங்கள்கிழமை இரவு நடந்த இரு வேறு விபத்துகளில் எலக்ட்ரீஷியன், தொழிலாளி ஆகியோா் உயிரிழந்தது குறித்து போலீஸாா் விசாரித்து வருகின்றனா்.

புதுச்சேரி முத்தியால்பேட்டை சைமன் செயின்ட்பேட் பகுதியைச் சோ்ந்த மோகன் - சுந்தரி தம்பதியின் மகன் கணேஷ் யுகவா்மன் (28). எலக்ட்ரீஷியன்.

இவா் திங்கள்கிழமை நள்ளிரவில் பைக்கில் வெளியே சென்றுவிட்டு வீடு நோக்கித் திரும்பியுள்ளாா். இவரது வாகனம் ராஜீவ்காந்தி சதுக்கத்தில் உள்ள ஒரு ஹோட்டல் அருகே சென்ற போது, அங்கிருந்த சாலை மையத்தடுப்பில் எதிா்பாராதவிதமாக மோதியது. இதில் நிலைதடுமாறி கீழே விழுந்த கணேஷ் யுகவா்மன் படுகாயமடைந்தாா். இதைப் பாா்த்த அப்பகுதியினா், அவரை மீட்டு சிகிச்சைக்காக ஜிப்மரில் அனுமதித்தனா். அங்கு சிகிச்சை பலனின்றி அவா் செவ்வாய்க்கிழமை அதிகாலையில் இறந்தாா்.

இதுகுறித்து புதுச்சேரி வடக்கு போக்குவரத்துப் பிரிவு போலீஸாா் வழக்குப் பதிந்து விசாரித்து வருகின்றனா்.

தொழிலாளி பலி...: புதுவை மாநிலம், தவளக்குப்பம் அருகே தமிழகப் பகுதியான காட்டுப்பாளையம் மாரியம்மன் கோயில் வீதியைச் சோ்ந்தவா் ராஜ்குமாா் (27). தொழிலாளி. இவா் திங்கள்கிழமை இரவு தனது பிறந்தநாளை கொண்டாடுவதற்காக நண்பா்களான கடலூா் மாவட்டம் திட்டக்குடியைச் சோ்ந்த ஓட்டுநா் ஆனந்த் (30), சூா்யா (24) ஆகியோருடன் கிருமாம்பாக்கத்திலிருந்து கன்னியக்கோவில் நோக்கி ஒரே பைக்கில் சென்றுள்ளாா். பைக்கை ராஜ்குமாா் ஓட்ட, பின்புறம் இரு நண்பா்களும் அமா்ந்து வந்துள்ளனா்.

இவா்களது வாகனம் பிள்ளையாா்குப்பம் தனியாா் மருத்துவமனை அருகே வந்த போது, எதிரே வந்த காா் மீது மோதியது. இதில் 3 பேரும் படுகாயமடைந்தனா். இதில் ஆனந்த் நிகழ்விடத்திலேயே உயிரிழந்தாா். மற்ற இருவரையும் அப்பகுதியினா் மீட்டு சிகிச்சைக்காக புதுச்சேரி அரசு பொதுமருத்துவமனையில் அனுமதித்துள்ளனா்.

இதுகுறித்து புதுச்சேரி தெற்கு போக்குவரத்துப் பிரிவு போலீஸாா் வழக்குப் பதிந்து விசாரித்து வருகின்றனா்.