தலைமைப் பொறியாளா் பொறுப்பை நிறுத்திவைக்க வலியுறுத்தல்

புதுவை அரசின் பொதுப் பணித் துறையில் பொய்யான சான்றிதழ் கொடுத்து பதவிக்கு வந் தலைமைப் பொறியாளரின் பொறுப்பை நிறுத்திவைக்க வேண்டும் என்று அரசு ஊழியா்கள் சம்மேளனம் வலியுறுத்தியது.

இதுகுறித்து அந்த சம்மேளனத்தின் கெளரவத் தலைவா் பாலமோகனன் சனிக்கிழமை செய்தியாளா்களிடம் கூறியதாவது:

கடந்த 1990 -ஆம் ஆண்டு, மத்திய பணியாளா் தோ்வுக் குழுவின் மூலம், புதுச்சேரி பொதுப் பணித் துறையில் உதவிப் பொறியாளராக தமிழகத்தின் சேலம் மாவட்டப் பகுதியைச் சோ்ந்த, உயா் வகுப்பைச் சோ்ந்த சத்தியமூா்த்தி பொறுப்பேற்றாா். இவா், தான் ஒரு பழங்குடியினா் வகுப்பைச் சோ்ந்தவா் என்று பொய்யான சான்றிதழைப் பெற்று முறைகேடாகப் பணியில் சோ்ந்துள்ளாா்.

உதவிப் பொறியாளா் பதவிக்கே தகுதியற்ற அவருக்கு, பொதுப் பணித் துறையில் செயற்பொறியாளா் மற்றும் கண்காணிப்பு - பொறியாளா் என இரண்டு பதவி உயா்வுகளை வழங்கியதே நோ்மையற்ற செயலாகும்.

இந்த நிலையில், புதுவை அரசு தற்போது அவருக்கு, பொதுப் பணித் துறையின் தலைமைப் பொறியாளா் பொறுப்பைக் கடந்த மே 5-ஆம் தேதி வழங்கியது. புதுவை தலைமைச் செயலரின் இந்தச் செயலை அரசு ஊழியா் சம்மேளனம் வன்மையாகக் கண்டிக்கிறது.

இதுதொடா்பாக மே 1-ஆம் தேதி, துணைநிலை ஆளுநருக்கும், தலைமைச் செயலருக்கும் விரிவான விளக்கக் கடிதம் வழங்கப்பட்டது. மே 4-ஆம் தேதியன்று தலைமைச் செயலரைச் சந்தித்து உண்மை நிலவரம் குறித்தும் விளக்கப்பட்டது.

இந்த தற்காலிக தலைமைப் பொறியாளா் பொறுப்பு ஆணையை சென்னை உயா் நீதிமன்ற உத்தரவின் பேரில், மாநில அளவிலான சரிபாா்க்கும் குழுவின் அறிக்கை சமா்ப்பிக்கப்பட்ட பிறகு, இறுதி முடிவு எடுக்கப்பட வேண்டும். ஆனால், அதற்குள் தலைமைப் பொறியாளா் பொறுப்புக்கு ஆணை வழங்கும் வகையில், அனைத்து பணிகளும் முடிந்துள்ளன.

எனவே, தலைமைப் பொறியாளருக்கான ஆணையை ரத்து செய்ய வேண்டும். மேலும், புதிதாக பொறுப்பேற்றுள்ள முதல்வா் என்.ரங்கசாமி இந்த பிரச்சினையில் தலையிட்டு உரிய நடவடிக்கை எடுக்க வலியுறுத்துகிறோம் என்றாா் பாலமோகனன். சம்மேளன நிா்வாகிகள் உடனிருந்தனா்.