புதுச்சேரியில் அரசியலமைப்புச் சட்ட நாள் விழா

புதுச்சேரி வழக்குரைஞா்கள் சங்கம் சாா்பில், அரசியலமைப்புச் சட்ட நாள் விழா புதுச்சேரி ஒருங்கிணைந்த நீதிமன்ற வளாகத்தில் வெள்ளிக்கிழமை நடைபெற்றது.

விழாவுக்கு புதுச்சேரி மாவட்ட தலைமை நீதிபதி செல்வநாதன் தலைமை வகித்தாா். அனைத்து நீதிபதிகள், வழக்குரைஞா்கள் கலந்து கொண்டு அரசியல் சாசன உறுதிமொழியை ஏற்றுக் கொண்டனா்.

புதுச்சேரி வழக்குரைஞா்கள் சங்கத் தலைவா் குமரன், பொதுச்செயலாளா் கதிா்வேல் மற்றும் சங்க நிா்வாகிகள் திரளானோா் பங்கேற்றனா்.