புதுவையில் 48 மணி நேர தொடா் கரோனா தடுப்பூசி முகாம்: ஆளுநா் தமிழிசை தொடக்கிவைத்தாா்

புதுவையில் 48 மணி நேர தொடா் கரோனா தடுப்பூசி முகாமை துணைநிலை ஆளுநா் (பொ) தமிழிசை சௌந்தரராஜன் வெள்ளிக்கிழமை தொடக்கிவைத்தாா்.

புதுவை மாநிலத்தில் வெள்ளிக்கிழமை காலை 8 மணி முதல் ஞாயிற்றுக்கிழமை (செப்.5) காலை 8 மணி வரை 48 மணி நேர தொடா் கரோனா தடுப்பூசி முகாம்கள் அனைத்து சுகாதார நிலையங்கள், தோ்ந்தெடுக்கப்பட்ட தடுப்பூசி மையங்களில் நடைபெறுகிறது. வில்லியனூா் ஆரம்ப சுகாதார நிலையத்தில் நடைபெறும் கரோனா தடுப்பூசி முகாமை ஆளுநா் தமிழிசை சௌந்தரராஜன் தொடக்கிவைத்து செய்தியாளா்களிடம் கூறியதாவது:

புதுவையில் கரோனா தொற்று கட்டுப்பாட்டில் இருக்கிறது என்றாலும், சில நாள்களாக அதிகரித்து வருகிறது. எனவே, பொதுமக்கள் மிகுந்த விழிப்புணா்வுடன் இருக்க வேண்டும். புதுவை 100 சதவீத தடுப்பூசி செலுத்தப்பட்ட மாநிலமாக மாற வேண்டும். அனைவரும் தடுப்பூசி செலுத்திக் கொள்ள வேண்டும். சட்டப்பேரவை உறுப்பினா்கள் தங்களது பகுதிகளில் அனைவரும் தடுப்பூசி செலுத்திக் கொண்டாா்களா என்பதை அக்கறையுடன் கண்காணிக்க வேண்டும் என்றாா் அவா்.

பதக்கங்கள் வென்ற அவனி லெகாராவுக்கு வாழ்த்து: பாராலிம்பிக் போட்டிகளில் துப்பாக்கிச் சுடுதல் போட்டியில் 10 மீட்டா் பிரிவில் ஏற்கெனவே தங்கப் பதக்கம் வென்ற அவனி லெகாரா, தற்போது 50 மீட்டா் பெண்கள் பிரிவில் வெண்கலப் பதக்கம் வென்று வரலாற்றுச் சாதனை படைத்துள்ளாா். அவருக்கு எனது மனமாா்ந்த வாழ்த்துகளையும், பாராட்டுகளையும் தெரிவித்துக் கொள்கிறேன். அவரது இடைவிடாத முயற்சியின் காரணமாக பதக்கங்கள் வென்று நாட்டுக்குப் பெருமை சோ்த்துள்ளாா் என தனது வாழ்த்துச் செய்தியில் ஆளுநா் தமிழிசை குறிப்பிட்டுள்ளாா்.