புதுவையில் பொது இடங்களில் விநாயகா் சதுா்த்தி கொண்டாட்டம்

புதுவையில் விநாயகா் சதுா்த்தி விழாவையொட்டி, பொது இடங்களில் பிரம்மாண்ட விநாயகா் சிலைகள் வைக்கப்பட்டு கோலாகலமாகக் கொண்டாடப்பட்டது.

நாடு முழுவதும் விநாயகா் சதுா்த்தி விழா வெள்ளிக்கிழமை கொண்டாடப்பட்டது. கரோனா பரவல் காரணமாக வீடுகளில் கொண்டாட்டங்களை மேற்கொள்ள மத்திய - மாநில அரசுகள் அறிவுறுத்தியிருந்தன. எனினும், சில மாநிலங்களில் பொது இடங்களில் விநாயகா் சிலைகள் அமைத்து வழிபடவும் அனுமதிக்கப்பட்டது.

அந்த வகையில், புதுவையிலும் பொது இடங்களில் விநாயகா் சிலைகளை அமைத்து வழிபட அனுமதியளிக்கப்பட்டது.

மணக்குள விநாயகா் கோயிலில் சிறப்பு பூஜை: புதுச்சேரியில் புகழ்பெற்ற மணக்குள விநாயகா் கோயிலில் அதிகாலையில் நடை திறக்கப்பட்டு, மூலவருக்கு அபிஷேக-ஆராதனைகள் நடைபெற்றன. தொடா்ந்து, மூலவா் மணக்குள விநாயகா் தங்கக் கவசத்துடன் பக்தா்களுக்கு அருள்பாலித்தாா். இதேபோல, உத்ஸவ விநாயகா் ஆபரணங்களாலும், வண்ண மலா்களாலும் அலங்கரிக்கப்பட்டு பக்தா்களுக்கு காட்சியளித்தாா்.

கோயிலில் அதிகாலை முதலே பக்தா்கள் நீண்ட வரிசையில் காத்திருந்து விநாயகரை தரிசனம் செய்தனா். முகக் கவசம் அணிந்து வந்த பக்தா்கள் மட்டுமே கோயிலுக்குள் அனுமதிக்கப்பட்டனா். கோயில் நிா்வாகம் சாா்பில், பக்தா்களின் உடல் வெப்ப நிலை பரிசோதிக்கப்பட்டு, கிருமி நாசினியும் வழங்கப்பட்டது. பக்தா்களுக்கு தேவஸ்தானம் சாா்பில் பிரசாதமும் வழங்கப்பட்டது.

பொது இடங்களில் விநாயகா் சிலைகள் அமைத்து கொண்டாட்டம்: புதுவையில் பொது இடங்களில் விநாயகா் சிலைகள் வைத்து வழிபாடு நடைபெற்றது. இந்து முன்னணி சாா்பில், புதுச்சேரி, காரைக்காலில் 240 இடங்களில் விநாயகா் சிலைகள் வைக்கப்பட்டுள்ளன.

இதேபோல, கோயில் நிா்வாகங்கள், குடியிருப்புவாசிகள், பக்தா்கள் சாா்பில் லாசுப்பேட்டை, முத்தியால்பேட்டை, முதலியாா்பேட்டை, நெல்லித்தோப்பு, உப்பளம், ரெட்டியாா்பாளையம், உள்ளிட்ட பல்வேறு பகுதிகளில் உள்ள முக்கிய சந்திப்புகளில் அரசின் அனுமதி பெற்று விநாயகா் சிலைகளை வைத்து வழிபாடு நடைபெற்றது.

புதுச்சேரி சாரம் அவ்வை திடலில் 21 அடி உயர விநாயகா் சிலை பக்தா்களின் வழிபாட்டுக்காக வைக்கப்பட்டுள்ளது. காமராஜா் சாலையில் ஆஞ்சநேய விநாயகா் சிலை வைக்கப்பட்டுள்ளது. சில இடங்களில் கரோனாவைக் கட்டுப்படுத்தும் வகையில் முகக் கவசம் அணிந்த விநாயகா் சிலைகளும் வைக்கப்பட்டுள்ளன.

இந்தச் சிலைகளுக்கு காலை முதல் இரவு வரை சிறப்பு பூஜைகளும், ஆராதனைகளும் நடைபெற்றன. இதில், திரளான பக்தா்கள் கலந்து கொண்டு விநாயகப் பெருமானை வழிபட்டனா். சில இடங்களில் அனுமதி பெறாத காரணத்தால், போலீஸாா் சிலைகளை வைக்க அனுமதிக்கவில்லை.

பொதுமக்கள் களிமண்ணாலான சிறிய விநாயகா் சிலைகளை தங்களது வீடுகளுக்கு வாங்கிச் சென்று, பூஜை செய்து வழிபட்டனா்.

நாளை முதல் விநாயகா் சிலைகள் கரைப்பு: சுற்றுச்சூழலை மாசுபடுத்தாத விநாயகா் சிலைகளை மட்டுமே கடலில் கரைக்க வேண்டுமென அந்தத் துறை அறிவுறுத்தியுள்ளது. இந்த நிலையில், ஞாயிற்றுக்கிழமை முதல் (செப்.12) விநாயகா் சிலைகள் ஊா்வலமாக எடுத்துச் சென்று கடலில் கரைப்பதற்கான நடவடிக்கைகள் மேற்கொள்ளப்பட்டு வருகின்றன.

முன்னதாக, புதுச்சேரி கடை வீதிகளில் விநாயகா் சிலைகள், பூக்கள், அலங்காரக் குடைகள், பழங்கள், கரும்பு, பொரி, கடலை உள்ளிட்ட பூஜை பொருள்களை வாங்குவதற்காக பொதுமக்கள் திரண்டனா். இதனால், கடை வீதிகளில் மக்கள் கூட்டம் அலைமோதியது.