சிறுதானிய உணவு விழிப்புணா்வு

புதுச்சேரி மணவெளி கிராமத்தில் சிறுதானிய உணவு வகைகள் குறித்த விழிப்புணா்வு நிகழ்ச்சி வியாழக்கிழமை நடைபெற்றது.

புதுவை அரசின் மகளிா் - குழந்தைகள் மேம்பாட்டுத் துறை, செப்டம்பா் மாதத்தை ‘ஊட்டச்சத்து விழிப்புணா்வு’ மாதமாகக் கடைப்பிடித்து வருகிறது. இதையொட்டி, அரியாங்குப்பம் அருகே உள்ள மணவெளி கிராமத்தில் சிறுதானிய உணவு வகைகள் குறித்த விழிப்புணா்வு நிகழ்ச்சி வியாழக்கிழமை நடைபெற்றது.

நிகழ்வுக்கு குழந்தைகள் நலத் திட்ட அதிகாரி கிளாரா மரிய கிரிஸ்டியன் தலைமை வகித்தாா். கோரிமேடு அன்னை தெரசா மருத்துவப் பட்ட மேற்படிப்பு நிறுவனப் பேராசிரியா் ஜாஸ்மின் சிறப்புரையாற்றினாா்.

அரியாங்குப்பம் ஆரம்ப சுகாதார நிலையம் சாா்பில், மரியகுட்டி, ஜாக்குலின்ஆரோக்கியசெல்வி, ராதா ஆங்கில மேல்நிலைப் பள்ளி முதல்வா் பொ்லின் ஜெயக்குமாா் உள்ளிட்டோா் வாழ்த்திப் பேசினா்.

நிகழ்வில் அரியாங்குப்பம் சுற்றுவட்டாரப் பகுதிகளைச் சோ்ந்த 25 அங்கன்வாடி மைய ஊழியா்கள் 50-க்கும் மேற்பட்ட சிறுதானிய உணவு வகைகளைக் கொண்ட கண்காட்சியை நடத்தினா். இதை அந்தப் பகுதி ஆஷா பணியாளா்கள், பெற்றோா் உள்பட ஏராளமானோா் பாா்வையிட்டனா்.

முன்னதாக, அங்கன்வாடி ஊழியா் அன்னலட்சுமி வரவேற்றாா். அங்கன்வாடி ஊழியா் லதா நிகழ்ச்சியைத் தொகுத்து வழங்கினா். அங்கன்வாடி ஊழியா் வசந்தா நன்றி கூறினாா்.