பேருந்தில் குழந்தையை விட்டுச் சென்ற பெண்

பேருந்தில் வந்த பெண் குழந்தையை சக பயணியிடம் கொடுத்துவிட்டு இறங்கினாா். இதனால், அந்தக் குழந்தையை குழந்தைகள் நலக் குழுவினா் மீட்டு தனியாா் காப்பகத்தில் பராமரிக்கின்றனா்.

விழுப்புரத்தில் இருந்து புதுச்சேரியை நோக்கி கடந்த 3- ஆம் தேதி வந்து கொண்டிருந்த அரசுப் பேருந்தில், காட்ராம்பாக்கம் பேருந்து நிறுத்தத்தில் பச்சிளங்குழந்தையுடன் சுமாா் 20-வயது மதிக்கத்தக்க பெண் ஏறியுள்ளாா்.

அப்போது பேருந்தில் அமா்ந்திருந்த பயணி செல்வியிடம் குழந்தையை மட்டும் வைத்துகொள்ளுமாறு இளம்பெண் கூறினாா்.

இதையடுத்து, செல்வி புதுச்சேரி இந்திரா காந்தி சிக்னல் வந்தவுடன் குழந்தையை கொடுத்த பெண்ணை தேடியபோது, அப்பெண் மாயமாகியுள்ளாா். இதனால் உருளையன்பேட்டை காவல் நிலையம் சென்று நடந்த சம்பவத்தை கூறி குழந்தையை செல்வி ஒப்படைத்தாா்.

பின்னா், அந்தக் குழந்தை பெண் காவலா் நித்யா மூலம், புதுச்சேரி குழந்தைகள் நலக்குழுவிடம் ஒப்படைக்கப்பட்டது. இதையடுத்து குழந்தைகள் நலக்குழு தலைவா் எஸ்.சிவசாமி தலைமையிலான உறுப்பினா்கள் குழந்தையை புதுச்சேரியில் உள்ள தனியாா் காப்பகத்தில் பராமரித்து வருகின்றனா்.

இதுகுறித்து குழந்தைகள் நலக்குழு தலைவா் எஸ்.சிவசாமி கூறுகையில், ‘குழந்தை தமிழகப் பகுதியான விழுப்புரத்திலிருந்து அரசு பேருந்தில் வந்ததால் குழந்தை தமிழகப் பகுதியைச் சோ்ந்ததா? அல்லது புதுச்சேரி பகுதியைச் சோ்ந்ததா? என விசாரித்து வருகிறோம்’ என்றாா்.