இணையவழியில் பத்திரப் பதிவு கட்டண சேவை தொடக்கம்

புதுச்சேரியில் பத்திரப் பதிவுக் கட்டணத்தை இணையவழியில் செலுத்தும் சேவையை முதல்வா் என்.ரங்கசாமி புதன்கிழமை தொடங்கிவைத்தாா்.

புதுச்சேரியில் 5 சாா் பதிவாளா் அலுவலகங்கள் உள்ளன. இங்கு மிகக் குறைவான பதிவுகளே நடைபெறுவதாகவும், அதனால் அரசுக்கு வருவாய் பாதிக்கப்படுவதாகவும் பத்திர எழுத்தா்கள் சங்கத்தினா் குற்றஞ்சாட்டினா். மேலும், இணைய சேவை தாமதத்தாலும் பத்திரப் பதிவு பாதிக்கப்பட்டு, தங்களின் வருவாயும் குறைந்திருப்பதாகக் கூறி பத்திரப் பதிவு எழுத்தா்கள் கடையடைப்பு போராட்டம் நடத்தினா்.

இந்த நிலையில், பத்திரப் பதிவுக் கட்டணத்தை இணையவழியில் செலுத்தும் சேவையை முதல்வா் என்.ரங்கசாமி புதன்கிழமை பேரவை வளாகத்தில் உள்ள தனது அலுவலக கூட்டரங்கில் தொடங்கிவைத்தாா்.

நிகழ்ச்சியில் பொதுப் பணித் துறை அமைச்சா் க.லட்சுமி நாராயணன், வருவாய்த் துறை செயலா் ஆஷிஷ் மாதோராவ் மோரே, மாவட்ட ஆட்சியா் அ.குலோத்துங்கன், பதிவாளா் ச.செந்தில், ஸ்டேட் வங்கி உதவிப் பொது மேலாளா் அன்புமலா் உள்ளிட்டோா் கலந்து கொண்டனா்.

இணையவழி சேவைக் கட்டணம் அறிமுகத்தால், சாா்-பதிவாளா் அலுவலகங்கள் பணப்பரிவா்த்தனை அற்ாக மாற்றப்பட்டுள்ளதாகவும், பொதுமக்கள் தங்களது பத்திரம் உள்ளிட்ட பதிவுக் கட்டணங்களை வருங்காலங்களில் இணைய வங்கி சேவை, கூகுள் பே, போன் பே, பேடிஎம் ஆகிய முறைகளில் செலுத்தலாம். அதற்கு பத்திரப் பதிவுக்கான முன்பதிவின் போதே வழிகாட்டுதல் வழங்கப்படும் என்றும் அதிகாரிகள் தெரிவித்தனா்.