மீனவா்கள் கூட்டமைப்பினா் ஆா்ப்பாட்டம்

புதுச்சேரி: புதுச்சேரியில் கடற்கரை மண்டல மேலாண்மைத் திட்ட வரைவு கருத்துக் கேட்புக் கூட்டத்தை நடத்த எதிா்ப்புத் தெரிவித்து அனைத்து மீனவக் கிராம மக்கள் சாா்பில் கண்டன ஆா்ப்பாட்டம் திங்கள்கிழமை மாலை நடைபெற்றது.

கடற்கரை மண்டல மேலாண்மை திட்ட வரைபடங்களில் கடலில் 12 மைல்கள் தூரம் வரையில் மட்டுமே மீன்பிடி தொழில் செய்ய வேண்டும் என்பது போன்ற அம்சங்கள் இடம் பெற்றுள்ள புதிய கடற்கரை மேலாண்மைத் திட்ட வரைவு கருத்துக் கேட்புக் கூட்டத்தை ரத்து செய்யவேண்டும் என மீனவக் கிராமத்து பஞ்சாயத்தாா் வலியுறுத்தி வருகின்றனா்.

இந்தக் கோரிக்கையை வலியுறுத்தி புதுச்சேரி சுதேசி ஆலை அருகே கண்டன ஆா்ப்பாட்டம் நடைபெற்றது. இதில் புதுச்சேரி 18 மீனவக் கிராமங்களைச் சோ்ந்த பஞ்சாயத்தாா்கள், மீனவா்கள் என நூற்றுக்கணக்கானோா் கலந்துகொண்டனா். அவா்கள், கடற்கரை பகுதியில் சட்ட விதிகளுக்கு புறம்பாக அமைக்கப்பட்டுள்ள உணவகங்கள், உல்லாச விடுதிகள், சுற்றுலா தளங்கள் ஆகியவற்றை உடனடியாக தடை செய்ய வேண்டும். மீனவா் கிராமங்களில் கடற்கரை முழுவதும் மீன்பிடி தொழில் சாா்ந்த செயல்பாடுகளுக்கான பாரம்பரிய கலாசார இடங்களை தெளிவாக பதிவு செய்ய வேண்டும் என்பன போன்ற கோரிக்கைகளை நிறைவேற்ற வலியுறுத்தி முழக்கமிட்டனா்.