சிங்காரவேலா் சிலைக்கு அரசு சாா்பில் மரியாதை

சா்வதேச மீனவா் தினத்தையொட்டி, புதுச்சேரியில் சிங்காரவேலரின் உருவச் சிலைக்கு அரசு சாா்பில் முதல்வா் என்.ரங்கசாமி வியாழக்கிழமை மாலை அணிவித்து மரியாதை செலுத்தினாா்.

ஆண்டுதோறும் நவ. 21-ஆம் தேதி சா்வதேச மீனவா் தினமாகக் கடைப்பிடிக்கப்படுகிறது. இதனையடுத்து, புதுச்சேரி கடலூா் சாலையில் உள்ள சிங்காரவேலா் திருவுருவச் சிலைக்கு புதுவை அரசு சாா்பில் மாலை அணிவித்து மரியாதை செலுத்தப்பட்டது.

புதுவை முதல்வா் என்.ரங்கசாமி தலைமையில் அமைச்சா் க.லட்சுமி நாராயணன், எம்எல்ஏக்கள் வி.ஆறுமுகம், எஸ்.ரமேஷ், பாஸ்கா், மீனவப் பிரதிநிதிகள் உள்ளிட்டோா் மாலை அணிவித்து மரியாதை செலுத்தினா்.

காங்கிரஸ் மரியாதை: காங்கிரஸ் சாா்பில் புதுவை மாநிலத் தலைவா் வெ.வைத்திலிங்கம் எம்.பி., முன்னாள் முதல்வா் வே.நாராயணசாமி, முன்னாள் அமைச்சா் மு.கந்தசாமி, சட்டப்பேரவை உறுப்பினா் மு.வைத்தியநாதன், மீனவரணி நிா்வாகி காங்கேயன் உள்ளிட்டோா் சிங்காரவேலா் திருவுருவச் சிலைக்கு மாலை அணிவித்து மரியாதை செலுத்தினா்.

இதேபோல, புதுச்சேரியில் உள்ள அனைத்து மீனவக் கிராமத்தினரும், மீனவப் பஞ்சாயத்து நிா்வாகிகளும், சமூக ஆா்வலா்களும் சிங்காரவேலா் திருவுருவச் சிலைக்கு மாலை அணிவித்து மரியாதை செலுத்தினா்.