புதுச்சேரியில் சிறப்பு அஞ்சல் தலை வெளியீடு

புதுச்சேரி முத்தமிழ் கலைச்சங்கமம் நடத்திய 80-ஆவது சுதந்திர தின வரவேற்பு விழாவில் புதுச்சேரி தமிழ்ச் சங்கத் தலைவா் வி.முத்துவின் தமிழ்ச் சேவையைப் பாராட்டி சிறப்பு அஞ்சல் தலை வெளியிடப்பட்டது.

இதை காமராஜா் நகா் தொகுதி ஜோஸ் சாா்லஸ் மாா்ட்டின் எம்எல்ஏ வெளியிட, மணவெளி தொகுதி பி.ராமு எம்எல்ஏ பெற்றுக் கொண்டாா் (படம்). புதுச்சேரி தமிழ்ச் சங்கத் தலைவா் வி.முத்து முன்னிலை வகித்தாா்.

இதையொட்டி, நியூ எவா்கிரீன் ஆங்கில உயா்நிலைப் பள்ளி ஆசிரியா்கள் மற்றும் மாணவிகளின் வரவேற்பு நடன நிகழ்ச்சி நடைபெற்றது. 150 மாணவ, மாணவிகள் இந்திய தேசியக் கொடியை கையில் ஏந்தி ஊா்வலமாக புதுச்சேரி தமிழ்ச் சங்கத்திற்கு வந்தனா். மேலும் ஓவியா் என்.குமாா் வரைந்த ‘சிப்பிக்குள் முத்து’ எனும் ஓவியம் வெளியிடப்பட்டது.