புதுச்சேரியில் இரு முக்கிய சாலைகளில் ஒருவழிப் போக்குவரத்தாக மாற்றம்

புதுச்சேரியில் 2 முக்கிய சாலைகள் சனிக்கிழமை முதல் ஒருவழிப் போக்குவரத்துக்கு மாற்றப்பட்டுள்ளன.

மிஷன் வீதியில் வடக்கிலிருந்து தெற்கு நோக்கி மட்டுமே வாகனங்கள் செல்ல அனுமதிக்கப்படுகிறது. தெற்கிலிருந்து வடக்கு நோக்கி வாகனங்கள் செல்ல தடை விதிக்கப்படுகிறது.

மகாத்மா காந்தி சாலையில் தெற்கிலிருந்து வடக்கு நோக்கி மட்டுமே வாகனங்கள் செல்ல அனுமதிக்கப்படும். வடக்கிலிருந்து தெற்கு நோக்கி வாகனங்கள் செல்ல தடை விதிக்கப்படுகிறது.

போக்குவரத்து நெரிசல், பயண நேரம் மற்றும் பொதுமக்களுக்கு ஏற்படும் சிரமங்கள் தொடா்ந்து கண்காணிக்கப்படும். தேவைக்கேற்ப மாற்றங்கள் மேற்கொள்ளப்படும் என்று போக்குவரத்து காவல் துறை தெரிவித்துள்ளது.