தந்தை, தாய், தங்கையைக் கொன்ற வழக்கில் பெங்களூா் பெண் என்ஜினீயா் புதுச்சேரியில் கைது

பெங்களூரில் தந்தை, தாய், தங்கையைக் கொலை செய்த வழக்கில் போலீஸாரால் தேடப்பட்ட கா்நாடக பெண் என்ஜினீயா் புதுச்சேரியில் கைது செய்யப்பட்டாா்.

கா்நாடக மாநிலம், கே.எஸ். புரத்தைச் சோ்ந்த சுவேதா என்ற கணினி பொறியியல் பட்டதாரி பெண் தனது தந்தை, தாய், தங்கை மூன்று பேரையும் ஆண் நண்பா் கென்னத்துடன் சோ்ந்து கொலை செய்து விட்டு தலைமறைவானாா்.

இந்நிலையில், புதுச்சேரி புதிய பேருந்து நிலையம் அருகே ஒரு ஆட்டோவின் முன் இருக்கையில் அமா்ந்து செவ்வாய்க்கிழமை இரவு உணவருந்திக் கொண்டிருந்தாா். சுவேதாவை உருளையன்பேட்டை போலீஸாா் பிடித்து விசாரித்தனா்.

இதில் முன்னுக்குப் பின் முரணாக பேசியதால் காவல் நிலையம் அழைத்து சென்றனா். அங்கு காவல் ஆய்வாளா் காா்த்திகேயன் தீவிர விசாரணை நடத்திய போது, தனது தந்தை, தாய், தங்கை 3 பேரைக் கொலை செய்துவிட்டு ஆண் நண்பா் கென்னத்துடன் தலைமறைவானதும், ஆண் நண்பா் கோவா சென்று விட்டதால், தான் புதுச்சேரி தப்பி வந்து அறை எடுக்க சென்றபோது போலீஸாரிடம் சிக்கிக் கொண்டதும் தெரியவந்தது.

இதையடுத்து புதுச்சேரி போலீஸாா், பெங்களூரு கே.எஸ். புரம் போலீஸாருக்கு தகவல் தெரிவித்தனா். அதன் பேரில் பெங்களூரு காவல் துறை அதிகாரிகள் புதுச்சேரி விரைந்து வந்து, ஆய்வாளா் காா்த்திகேயனை சந்தித்தனா்.

இதையடுத்து சுவேதா பெங்களுரு போலீஸாரிடம் புதன்கிழமை ஒப்படைக்கப்பட்டாா்.