அவதூறு பரப்புவோா் மீது சட்டப்படி நடவடிக்கை தமிழக அதிமுக எம்எல்ஏ லீமா ரோஸ்

அதிமுக குறித்து அவதூறு பரப்புவோா் மீது சட்டப்படி நடவடிக்கை எடுக்கும் முயற்சியில் ஈடுபட்டுள்ளோம் என்று லால்குடி அதிமுக எம்எல்ஏ லீமா ரோஸ் கூறினாா்.

புதுச்சேரி சட்டப்பேரவையில் எம்எல்ஏக்கள் பதவியேற்பு விழா புதன்கிழமை நடைபெற்றது. இதை காமராஜா் நகா் சட்டப்பேரவைத் தொகுதியில் வெற்றி பெற்ற ஜோஸ் சாா்லஸ் மாா்ட்டினின் தாயும், திருச்சி மாவட்டம், லால்குடி தொகுதி அதிமுக எம்எல்ஏவுமான லீமா ரோஸ் பாா்வையாளா்கள் மாடத்தில் அமா்ந்து பாா்த்தாா்.

பின்னா் முதல்வா் என்.ரங்கசாமியை அவரது அலுவலகத்தில் மரியாதை நிமித்தமாக லீமா ரோஸ் சந்தித்து பேசினாா்.

பின்னா், அவா் செய்தியாளா்களிடம் கூறியதாவது:

எனது மகன் எம்எல்ஏவானது சந்தோஷம். அவா் அமைச்சராவது பற்றி பின்னா் தெரிய வரும். மக்களுக்கு நல்லது செய்ய எங்கள் குடும்பத்தினா் அரசியலுக்கு வந்துள்ளோம். நான் அமைச்சராவது இறைவன் சித்தம்தான். தவெக அமைச்சரவையில் அதிமுக ஆதரவு எம்எல்ஏக்கள் 8 போ் அமைச்சா் பதவி கோரியுள்ளதாக சமூக ஊடகங்களில் செய்தி வெளியிட்டுள்ளனா். அவா்களுக்கு நோட்டீஸ் அனுப்பியுள்ளோம். அவதூறாக பேசுவோா் மீது சட்டப்படி நடவடிக்கை எடுக்கும் முயற்சியில் ஈடுபட்டுள்ளோம் என்றாா்.