தொழிலதிபரிடம் ரூ.2.80 கோடி மோசடி

புதுச்சேரியில் குறைந்த விலையில் தங்கம் வாங்கி தருவதாக கூறி தொழிலதிபரிடம் ரூ.2.80 கோடி மோசடி செய்ததாக 11 போ் மீது சிபிசிஐடி போலீஸாா் வழக்குப்பதிவு செய்துள்ளனா்.

புதுச்சேரியைச் சோ்ந்த தொழிலதிபா் பிரவீன் அலெக்சாண்டரை சந்தை விலையை விட குறைந்த விலையில் தங்கம் வாங்கி தருவதாக கூறி ஒரு கும்பல் அணுகியுள்ளது. இதை நம்பிய தொழிலதிபா் பிரவீன் அலெக்சாண்டா் பல்வேறு தவணைகளாக ரூ.2.80 கோடியை கொடுத்துள்ளாா். பணத்தை பெற்றுக் கொண்ட கும்பல் தங்கம் வாங்கி தராமல் இழுத்தடித்து வந்துள்ளது. பின்னா் தொழிலதிபா் பணத்தைத் திருப்பி கேட்ட போது கொலை மிரட்டல் விடுத்ததாகக் கூறப்படுகிறது. இது தொடா்பாக அவா் புதுச்சேரி சிபிசிஐடி போலீஸில் புகாா் அளித்தாா். அதன்பேரில், போலீஸாா் 11 போ் மீது வழக்குப்பதிவு செய்து விசாரணை மேற்கொண்டு வருகின்றனா்.

பல்கலை. ஊழியா் போக்சோவில் கைது:

புதுச்சேரியில் 15 வயது சிறுமிக்குப் பாலியல் தொல்லை கொடுத்ததாக புதுச்சேரி பல்கலைக்கழக ஊழியா் ஒருவரை போலீஸாா் போக்சோ சட்டத்தில் கைது செய்து சிறையில் அடைத்தனா்.

அரியாங்குப்பம் இந்திரா நகரைச் சோ்ந்த இளம்பருதி (31) புதுச்சேரி பல்கலைக்கழகத்தில் ஊழியராகப் பணியாற்றி வருகிறாா்.இவா் அதே பகுதியை சோ்ந்த 15 வயது சிறுமிக்குப் பாலியல் தொல்லை கொடுத்ததாக கூறப்படுகிறது.

இது குறித்து பாதிக்கப்பட்ட சிறுமி தரப்பில் அரியாங்குப்பம் காவல் நிலையத்தில் புகாா் அளிக்கப்பட்டது.

விசாரணையில் புகாா் உண்மை என தெரியவந்தது. இதையடுத்து குற்றம்சாட்டப்பட்ட இளம்பருதியை போலீஸாா் கைது செய்தனா்.