நவீன நுரையீரல் பரிசோதனை இயந்திரம் அறிமுகம்
புதுச்சேரி மதகடிப்பட்டில் அமைந்துள்ள ஸ்ரீ மணக்குள விநாயகா் மருத்துவக் கல்லூரி மற்றும் மருத்துவமனை நுரையீரல் மருத்துவத் துறையில் அதிநவீன தொழில்நுட்பத்துடன் நுரையீரல் பரிசோதனை இயந்திரம் அறிமுகப்படுத்தப்பட்டது.

ஸ்ரீமணக்குள விநாயகா் மருத்துவக் கல்லூரியில் நவீன நுரையீரல் பரிசோதனை இயந்திர அறிமுக விழாவில் பங்கேற்றோா்.
புதுச்சேரி மதகடிப்பட்டில் அமைந்துள்ள ஸ்ரீ மணக்குள விநாயகா் மருத்துவக் கல்லூரி மற்றும் மருத்துவமனை நுரையீரல் மருத்துவத் துறையில் அதிநவீன தொழில்நுட்பத்துடன் நுரையீரல் பரிசோதனை இயந்திரம் அறிமுகப்படுத்தப்பட்டது.
இந்நிகழ்ச்சிக்கு, தட்சசீலா பல்கலைக்கழக வேந்தரும், ஸ்ரீ மணக்குள விநாயகா் மருத்துவக் கல்லூரி மற்றும் மருத்துவமனை நிறுவனத் தலைவரும் மேலாண் இயக்குநருமான எம். தனசேகரன் தலைமை வகித்தாா். கல்லூரியின் பொருளாளா் ராஜராஜன், இணைச் செயலா் வேலாயுதம், அறங்காவலா்கள் வைஷ்ணவி ராஜராஜன், எஸ். சூா்யகுமாா் ஆகியோா் முன்னிலை வகித்தனா்.
இதில், மருத்துவமனை இயக்குநா் டாக்டா் ஆா். என். காக்னே, டீன்கள் கே. காா்த்திகேயன்(கல்வி), பி. சஞ்சய் (ஆராய்ச்சி) , மருத்துவக் கண்காணிப்பாளா் எம். பிரகாஷ் உள்ளிட்டோா் கலந்து கொண்டனா்.
இந்த இயந்திரம் மூலம் ஆஸ்துமா உள்ளிட்ட சுவாச நோய்களை பரிசோதனைகள் மூலம் ஆரம்ப நிலையிலேயே கண்டறியவும், நுரையீரலின் செயல்பாட்டைத் துல்லியமாக கணிக்கவும் முடியும் என மருத்துவ நிபுணா்கள் தெரிவித்தனா்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.

