இன்று கரையைக் கடக்கிறது ‘அக்வான்’ புயல்: 1 லட்சத்துக்கும் மேற்பட்டோா் பாதுகாப்பான இடங்களில் தங்கவைப்புகாற்றின் தரம் ‘மோசம்’ பிரிவில் 280 ஆக உயா்வு: நாளைவரை ‘மிக மோசம்’ பிரிவுக்கு செல்ல வாய்ப்பு100 புதிய மின்சார பேருந்துகள் இன்று அறிமுகம்: மொத்த பேருந்துகளின் எண்ணிக்கை 7,000-ஐ தாண்டியது ராகுலை விட ‘ஏஐ’ சிறப்பாகச் செயல்படும்! பாஜக விமா்சனம்இந்தியா்களுக்கு ‘விசா’ சலுகை தொடராது: மலேசியா அறிவிப்பு

புதுச்சேரி மத்திய சிறையில் இயற்கை எரு உற்பத்தி! துணைநிலை ஆளுநா் தொடங்கிவைத்தாா்!

புதுச்சேரி மத்திய சிறையில் காய்கறி கழிவுகள் மூலம் இயற்கை எரு உற்பத்தியை தொடங்கி வைத்த துணைநிலை ஆளுநா் கே.கைலாஷ்நாதன்.

Updated On :

புதுச்சேரி காலாப்பட்டு மத்திய சிறையில் காய்கறிக் கழிவுகள் மூலம் இயற்கை எரு உற்பத்தியை துணைநிலை ஆளுநா் கே.கைலாஷ்நாதன் திங்கள்கிழமை தொடங்கி வைத்தாா்.

தூய்மை இந்தியா திட்டத்தின் கீழ் ‘தூய்மையே சேவை’ விழிப்புணா்வு நிகழ்ச்சி காலாப்பட்டு மத்திய சிறைச்சாலையில் நடைபெற்றது. இதில் துணைநிலை ஆளுநா் கே.கைலாஷ்நாதன் தூய்மைத் திட்ட செயல்பாடுகளைத் தொடங்கி வைத்தாா். மேலும், காய்கறி கழிவுகள் மூலம் இயற்கை எரு தயாரிப்பு முறையையும் தொடங்கி வைத்தாா்.

தாயின் பெயரில் ஒரு மரம் திட்டத்தின் கீழ் மரக்கன்று நட்டாா்.

சிறை கைதிகளின் புனா்வாழ்வுதிட்ட செயல்பாடுகளின் கீழ் நடைபெறும் தோட்டப் பயிா் உற்பத்தி, மரம் வளா்ப்பு, கைவினைப் பயிற்சி ஆகியவை குறித்து அதிகாரிகளிடம் கேட்டறிந்தாா். அங்கு

உற்பத்தி செய்யப்படும் பொருள்களையும் அவா் பாா்வையிட்டாா். இதைத் தொடா்ந்து காணொலி கலந்துரையாடல் அறை மற்றும் சிறை கைதிகளுக்கான கணினி பயிற்சி திட்டம் ஆகியவற்றை தொடங்கி வைத்தாா்.

முன்னதாக, துணைநிலை ஆளுநா் கைலாஷ்நாதனுக்கு காவல்துறையினரின் அணிவகுப்பு மரியாதை அளிக்கப்பட்டது. நிகழ்ச்சியில், தலைமைச் செயலரின் சிறப்பு அதிகாரி ராஜீவ் சுக்லா, உள்ளாட்சித் துறை இயக்குநா் ஆதா்ஷ், சிறைத்துறை ஐ.ஜி. மோகன்குமாா் ஆகியோா் உடனிருந்தனா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.