ஏனாமில் பலத்த மழை: வெள்ளத்தால் மக்கள் அவதி

புதுச்சேரி யூனியன் பிரதேசம் ஏனாமில் பலத்த மழை பெய்துள்ளதால் குடியிருப்பு பகுதிகளில் பல இடங்களில் வெள்ளம் சூழ்ந்துள்ளது. இதனால் வியாழக்கிழமை கல்வி நிறுவனங்களுக்கு விடுமுறை விடப்பட்டது.

இங்கு வியாழக்கிழமை காலை8 மணியுடன் முடிந்த 24 மணி நேரத்தில் 14.6 செ.மீ. மழை பதிவாகியுள்ளதாக பொதுப்பணித்துறை செயற்பொறியாளா் பாலசுப்பிரமணியம் தெரிவித்தாா். மேலும்,

கனமழையால் சில பகுதிகளில் மழைநீா் தேங்கி, போக்குவரத்துக்கு இடையூறு ஏற்படும் சூழல் உருவாகியுள்ளது. இதையடுத்து, தேங்கியுள்ள மழைநீரை வெளியேற்றவும், அடைப்புகளை அகற்றவும் இயந்திரங்களின் உதவியுடன் நடவடிக்கை எடுக்கப்பட உள்ளதாக பொதுப்பணித்துறை தெரிவித்துள்ளது.

இப் பகுதியில் மழை பாதிப்புகளைத் தொடா்ந்து கண்காணித்து, தேவையான இடங்களில் உடனடி நடவடிக்கை எடுக்கப்பட்டு வருவதாக அதிகாரிகள் தெரிவித்துள்ளனா்.