காசநோய் ஒழிப்பு தேசிய உத்தி மருத்துவமனைக்குள் முடங்கவிடக்கூடாது: புதுச்சேரி துணைநிலைஆளுநா்

காசநோய் ஒழிப்பிற்கான தேசிய உத்தி மருத்துவமனைகள் மற்றும் ஆய்வகங்களுக்குள் மட்டுமே முடங்கிவிடக் கூடாது என்று புதுச்சேரி துணைநிலை ஆளுநா் கே. கைலாஷ் நாதன் கூறினாா்.

புதுச்சேரி ஜிப்மரில் காசநோய்க்கான இலக்கு நிா்ணயிக்கப்பட்ட அடுத்த தலைமுறை மரபணு வரிசைமுறை தொழில்நுட்பத்தை பயன்படுத்தி, அனைத்து நோயாளிகளுக்கும் மருந்து உணா்திறன் பரிசோதனை மேற்கொள்வது தொடா்பான 3 நாள் தேசிய மாநாடு கடந்த 23-ம் தேதி தொடங்கி நடைபெற்றது.

அப்துல் கலாம் அரங்கில் இந்த மாநாட்டை முதல்வா் ரங்கசாமி தொடங்கி வைத்தாா். இதன் நிறைவு விழா வெள்ளிக்கிழமை நடைபெற்றது. இதில் புதுச்சேரி துணைநிலை ஆளுநா் கைலாஷ்நாதன் கலந்து கொண்டு பேசியதாவது:

நாம் 21-ம் நூற்றாண்டில் வாழ்ந்து கொண்டிருக்கிறோம். மருத்துவ அறிவியல் மிகப்பெரிய அளவில் முன்னேறியுள்ளது. நவீன மருத்துவமனைகள், மேம்பட்ட நோயறிதல் கருவிகள், நவீன தொழில்நுட்பங்கள் மற்றும் மிகவும் சிறப்பு வாய்ந்த சிகிச்சை முறைகள் நம்மிடம் உள்ளன. இத்தகைய காலகட்டத்திலும் காசநோய் தொடா்ந்து இருப்பது நம் அனைவருக்கும் மிகுந்த கவலையை ஏற்படுத்த வேண்டிய விஷயமாகும்.

புதுச்சேரியில் 2025-ம் ஆண்டில் காசநோய் சிகிச்சையின் வெற்றி விகிதம் 88 சதவீதமாக உள்ளது. 2015-ம் ஆண்டில் ஒரு லட்சம் மக்கள் தொகைக்கு 102 ஆக இருந்த காசநோய் பாதிப்பு, 2025-ம் ஆண்டில் 98 ஆக குறைந்துள்ளது.

காசநோய் ஒழிப்பிற்கான தேசிய உத்தி மருத்துவமனைகள் மற்றும் ஆய்வகங்களுக்குள் மட்டுமே முடங்கிவிடக் கூடாது. அது குடியிருப்பு பகுதிகள், பணியிடங்கள், கல்வி நிறுவனங்கள், கிராமங்கள், நகா்ப்புற சமூகங்கள் மற்றும் பாதிக்கப்படக்கூடிய மக்களை சென்றடைய வேண்டும் என்றாா் துணைநிலை ஆளுநா். ஜிப்மா் இயக்குநா் வீா் சிங் நெகி, பிஆா்எப் நிறுவனா் நந்திஷ் பெத்தானி உள்ளிட்ட பலா் கலந்து கொண்டனா்.