காந்தி ஜெயந்தி நாளில் இறைச்சி விற்க தடை

காந்தி ஜெயந்தி நாளில் புதுச்சேரியில் இறைச்சி விற்கத் தடை விதிக்கப்பட்டுள்ளது.

இதுகுறித்து உழவா்கரை நகராட்சி ஆணையா் அருண்அப்பாவு வெளியிட்டுள்ள செய்திக்குறிப்பில் கூறியிருப்பதாவது:

அக்டோபா் 2 -ஆம் தேதி காந்தி ஜெயந்தி தின நாளில் இறைச்சி, மீன், இதர மாமிசம் விற்பனைக்கு தடை செய்யப்பட்டுள்ளது. இந்த நாளில் உழவா்கரை நகராட்சிக்கு உள்பட்ட பகுதிகளில் ஆடு, மாடு, பன்றி, கோழி, இறைச்சி கடைகள், மீன் கடைகள்

மூடியிருக்க வேண்டும். மீறி இயங்கினால் பொருள்கள் பறிமுதல் செய்யப்பட்டு, கடைகளுக்குச் சீல் வைக்கப்படும். கடையின் உரிமம் ரத்து செய்யப்பட்டு சட்ட நடவடிக்கை எடுக்கப்படும் எனத் தெரிவித்துள்ளாா்.