சிவாலயங்களில் பிரதோஷ வழிபாடு

பிரதோஷத்தை முன்னிட்டு சிவாலயங்களில்  வெள்ளிக்கிழமை சிறப்பு வழிபாடு நடைபெற்றது.

செஞ்சி வட்டம் ஆலம்பூண்டி ஆலகால ஈஸ்வரர் கோயிலில் சாமிக்கு சிறப்பு அபிஷேக, ஆராதனையும், நந்தீஸ்வரருக்கு பால் அபிஷேகம் உள்ளிட்ட ஆராதனைகளும் நடைபெற்றன.

செஞ்சி அருணாச்சல ஈஸ்வரர் கோயிலில் சுவாமி மற்றும் நந்தீஸ்வரருக்கு சிறப்பு அபிஷேகம், ஆராதனை நடைபெற்றது.

இதையடுத்து உண்மாமலை அம்மன் உடனுரை அருணாச்சல ஈஸ்வரர் மாடவீதி வழியாக ஊர்வலமாக வந்தார்.

இதேபோல், செஞ்சி காமாட்சி அம்மன் ஏகாம்பரேஸ்வரர் கோயில், செஞ்சி காசி விஸ்வநாதர் கோயில், மேலச்சேரி பிரகன்நாயகி உடனுரை மத்தளேஸ்வரர் கோயிலில் சிறப்பு வழிபாடு நடைபெற்றது. திரளான பக்தர்கள் கலந்து கொண்டனர்.

உளுந்தூர்பேட்டை: இதேபோல் உளுந்தூர்பேட்டை வட்டம் எலவனாசூர்கோட்டை அர்த்த நாரீஸ்வரர் கோயிலில் நந்திக்கு சிறப்பு அபிஷேக, ஆராதனை நடைபெற்றது.