முதியவர் மாயம்

திண்டிவனம் அருகே கால்நடைகளை மேய்ச்சலுக்கு அழைத்துச் சென்றவர் மாயமானார்.
பட்டணம் கிராமத்தில் உள்ள மாரியம்மன் கோவில் தெருவைச் சேர்ந்தவர் பரசுராமன்(60). கால்நடைகளை மேய்ச்சலுக்கு அருகில் உள்ள வயல் வெளிப் பகுதிக்கு சனிக்கிழமை அழைத்துச் சென்ற இவர், வீடு  திரும்பவில்லை. 
உறவினர்கள் பல்வேறு இடங்களில் தேடியும் அவர் கிடைக்காத நிலையில்,  ரோசணை காவல் நிலையத்தில் புகார் செய்தனர். போலீஸார் வழக்குப் பதிந்து விசாரித்து வருகின்றனர்.